谷劇谷到殘 鄧萃雯驚爆真面目
2010-10-21 壹週刊1076期
http://bbs.ent.163.com/bbs/tvb/189951998.html
上週三晚上入廠做完《東張西望》的《今日 VIP》訪問，鄧萃雯在化妝間洗頭卸妝，同王
祖藍傾唔停，更驚現髮線後移。
無綫台慶重頭劇《義海豪情》本週一（十月十八日）首播，一班主要演員鄧萃雯、黎耀祥
、謝雪心、陳法拉及黃浩然等，近日馬不停蹄為新劇做宣傳。上週三（十月十三日）晚，
鄧萃雯做完活動返公司化妝間卸妝洗頭，身穿紅衫短裙戴烏蠅超的她，用毛巾包咗個印度
「阿差」頭，變身屋邨花師奶，之後埋位吹頭，露出素顏殘樣加超高髮線，四十四歲「真
面目」，驚爆電視城化妝間！
企靚位
為力谷本週一首播的台慶劇《義海豪情》，無綫特別安排劇中演員於過百藝員現身的「
TVB 43年快樂力量迎台慶」亮燈儀式大 party後登場。由於恒基地產主席李兆基（四叔
）長子李家傑計劃斥資九十億收購無綫，下個月便一百零三歲的六叔，有可能是最後一次
主持台慶亮燈儀式。
身為《義》劇男、女主角，黎耀祥與鄧萃雯被安排站在前排中間靚位，凸顯二人超然地位
，而另一套台慶劇《刑警》，主要演員亦分別在亮燈儀式上獲重點介紹。
由《巾幗梟雄》到《義海豪情》，上屆視后鄧萃雯雖然「冧庄」呼聲高，同時壓力都唔細
。上週三做完宣傳返電視城落妝洗頭準備收工，著住紅底衫短裙加烏蠅墨鏡的她，超高髮
線已經夠驚嚇，加埋四十四歲殘爆素顏，與劇中「九姑娘」的高貴造型，有好大出入。
一手都係
包住個頭的雯女，兩手攞住化妝袋、手袋同套裝，手忙腳亂。
日日谷劇無時停，上週五便聯同《義》劇演員及監製李添勝（左三）在將軍澳東港城，以
劇中造型宣傳。
講盡好話
鏡頭前後兩個樣，亮燈當晚身穿黑色半透視戰衣的鄧萃雯，儀式後，到將軍澳東海海鮮酒
家，與祥仔夾份請《義》劇台前幕後食飯兼齊齊睇「首映」。身為酒家代言人的祥仔，力
讚「老細」慷慨包起全晚酒水，兩席埋單一萬元友情價。「送酒水已經好好，另外呢幾個
月全線東海八點半會播《義海》，好支持我 o架！」祥仔不忘擦鞋。
台前幕後聚首一堂，但劇中飾演惡包租婆的惠英紅（小紅姐），匆匆出席完亮燈儀式，便
趕到醫院探望剛動完駁骨手術的八十七歲高齡母親。
今個月初，與小紅姐同住的母親意外跌倒，送院後經醫生檢查，證實右邊盤骨碎開三節，
本來要馬上做手術，但由於患有心臟病、血壓高及肺氣腫等老人病，加上有食開薄血丸，
身體唔夠「碘」，要留院兩個星期才開刀。
台慶亮燈儀式，祥仔及雯女被安排企正頭排中間位，連陳豪阿佘也要借歪，兩套重頭劇《
公主嫁到》及《義海豪情》男女主角預料是視帝視后的最強競爭對手。
肉緊唱
唔只做主角，祥仔唱埋《義》劇主題曲《紅蝴蝶》，咪嘴演出的他唱得非常肉緊，果然好
戲。
祥仔與雯女自掏腰包請《義》劇台前幕後食「魚翅佛跳牆」等海鮮宴，雯女說：「我哋今
日下晝先 call人，估唔到個個到齊，好感動。」
祥仔老婆同囝囝也有出席晚宴，十三歲的正橋已跟爸爸一樣高，熱愛攝影的他當晚只帶了
「傻瓜機」，企埋一邊拍照，祥仔說：「佢講嘢少咗，大個仔，識怕醜喇嘛。」
首集先輸
大班演員圍埋睇第一集，不過當晚平均收視只得 32點，最高 36點，頭輪輸俾首集平均收
視有 36點，最高 38點的《公主嫁到》。
一度危殆
提起媽咪身體狀況，瘦了一圈的小紅姐十分憂心。「媽咪成身插滿喉管輸血、鹽水同碘，
神志迷迷糊糊，又成日自己掹晒啲管，搞到雙手標晒血，佢咁大年紀又多病，要等指數正
常返先做得手術，但肺氣腫又唔可以長期臥床，有段時間好危險。」
年邁母親出事，近期在昆明為電影《獨臂刀》趕戲的小紅姐，醫院機場兩邊走，加上自己
曾患抑鬱症、痛風及心臟病，見到母親病情反覆，她亦晚晚失眠、心跳加速兼暴瘦。「要
拍嘢冇得瞓，就算有得瞓都會亂諗嘢瞓唔着，個心成日跳。」身心疲累的小紅姐說。
終於收工，小紅姐即飛車趕到將軍澳醫院，探望剛做完手術的年邁母親。
姍姍來遲的小紅姐冇化妝，耷低頭跑入化妝間化妝換衫，趕住出席五時舉行的亮燈錄影。
心急
完騷後，小紅姐要跟《義》劇演員齊齊接受訪問，強顏歡笑的她個心一早飛咗去醫院。
暴瘦
阿媽剛入手術室，小紅姐擔心得走出戶外地方食煙減壓，身穿黑色晚裝的她厭自己太瘦，
最後改著白裙出鏡。
飛車探病
惠英紅母親週一下午做手術，小紅姐錄影亮燈節目時表現無厘心機，只能強擠笑容，到晚
上完成錄影，她便火速駕車到將軍澳醫院。「佢而家無事，我成個心安樂晒，今晚終於可
以大覺瞓，如果再好似之前咁落去，我諗我會病。」小紅姐即晚在微博託胡定欣留言，向
fans報平安。
豪情預壽
下月十九日便 103歲的六叔主持亮燈儀式，過百藝員向他預祝壽辰，一班阿哥阿姐在台上
根據得寵程度排位，司儀阿姐與 Do姐拖實六叔上台，未知是否「臨別秋波」，阿姐今年
特別熱情，對六叔主動拖攬錫。
好嘴
阿姐拖實六叔合照，忽然主動啜六叔，嚇得身旁的 Do姐揞住嘴，表情驚訝！
受晒
錫完之後，阿姐捉實六叔隻手攬自己，但落點有偏差，六叔隻手掂到阿姐個胸。
唔避忌
阿佘與陳豪這對過氣緋聞情侶，被安排企埋一齊，二人毫不避忌全程笑吟吟雞啄唔斷。
滑溜肉臂
「福祿壽」被安排在節目上載歌載舞表演，又在「 Prize in the City」 talk show狂寸
林峯、陳法拉同黎耀祥等，扮女人的李思捷（右一）被菊姐及司棋姐大讚肉臂滑溜。