韓紅認錯盧業瑂 當李綺虹透明 克勤患「認人障礙」傻笑解困
(星島日報報道)不是說「每個人都是罪人」，但人生在世，小罪難免，在公在私，人人都
會有些小毛病，對工作盡忠、對家人盡責的克勤，也不例外。
李克勤最近推出新專輯《罪人》，同名新歌講述第三者以罪人身分作告解，儘管克勤唱出
當中的內疚和苦衷，但唱還唱，「第三者」這個不忠不義的名詞，始終跟克勤扯不上關係
。出名靚聲王的克勤，不論唱現場或錄音，都被讚如同聽CD一樣，粒粒音又準又精，但原
來他也試過對自己的作品不滿意。「每錄一首歌就是一世的事，所以不管是病倒或甚麼原
因，也No Excuse，因為出咗街就無得挽回！最深刻印象係幾年前收錄喺專輯《My Cup Of
Tea》有首歌《單身繼續》，由於當時狀態欠佳，即使盡了力，始終錄得很差，但又礙於
趕時間而頂硬上，結果自己聽到都唔收貨，唱片推出後，真係求神拜佛呢首歌唔好Hit，
做歌手最唔開心就是咁！不過我亦為自己定下規則，就是犯過的錯不能再犯。」
要仔又要獎
提到生活上的「罪」，克勤更是搞笑，未講先尷尬，「呢個堪稱我人生一大污點，我
最大缺點係認人差，尤其對女藝人！最離譜有次認錯韓紅做盧業瑂，有次鄭秀文開騷我入
後台探班，見到『盧業瑂』就上前打招呼，及後見佢同許志安密斟，先知係韓紅！呢口的
情況經常發生，有次李綺虹為我嘅95年演唱會做嘉賓，豈料兩年後喺街碰到，佢跟我打招
呼，我完全無理佢仲掉頭走，佢唔忿氣追上前表明身分，我先知……唉！所以我諗到一個
解決方法，就係唔理阿茂阿壽，總之同我打招呼嘅，我都報以禮貌微笑……鬼叫係我嘅先
天缺陷咩，我都無辦法，只希望兩個仔唔好有遺傳。」創下三年抱兩佳績的克勤笑言，絕
不會要仔唔要「工」，仍會向獎項進發，努力做個「最受歡迎男歌手」，明年更會錄國語
碟進軍大中華市場。
來源：http://hk.news.yahoo.com/article/101014/3/kq6o.html
--
國語專輯，可以來台灣嗎(￣▽￣＃)﹏﹏
--
※ 發信站: 批踢踢實業坊(ptt.cc)
◆ From: 114.24.130.84