9/24/2001 11:07:23 AM
靚女天后Kelly陳慧琳乃係世界女一名，不過「智者千慮必有一失」，近日有讀者向雜誌投訴遭某美容院騙財，卻原來Kelly亦是與該讀者同病相憐，給該美容院騙財萬六大元！
作為演藝人，儀容又焉可不著緊不保養，更何況貪靚是女人天性！話說Kelly某日在雜誌上看到一個美容廣告十分吸引，Kelly於是親自前往該店，發覺該美容院位處中環，門面甚大裝修又堂皇，諗住該美容院有番咁上下規模應該唔會有問題，絕不像立心騙人的格局，職員見靚女親自「送上門」，於是游說Kelly表示，如果可以預繳費用就有諸多優惠，Kelly不虞有詐，以為現時美容院成行成市為쐊v爭而「薄利多銷」，耳仔軟之下就買了一個美容套餐，共費二萬大元，但由於Kelly近來頻頻出埠工作，買下套餐以來只幫襯過三兩次，共用了四千元左右！
有一次Kelly路經中環，人有三急想前往該店方便一下，豈料發覺該店經已重門深鎖烏燈黑火。大門更貼上告示指是「維修冷氣」，靚女發覺唔對路，早前男友亦曾提醒她，謂該店有很多投訴，但她卻不以為然冇心裝載，現時驚覺有受騙之嫌，遂吩咐助手查詢，不過為時已晚，受騙已是鐵一般的事實！
Kelly昨日在荃灣某商場舉行簽名會，靚女天后出現自然吸引大棚Fans往捧場，少說也有逾三百名Fans排隊索取簽名，場面熱鬧非常！一身超短裙長靴現身的Fans更和現場歌迷玩遊戲，由於玩得太投入，穿上超短裙凸裙顯修長美腿的她動作太大有走光之嫌，有好心Fans提醒她，不過Kelly今次好醒目，表示毋須擔心，因為她已一早打定底以防走光！
其後，Kelly被問到如何處置被美容院搵老襯一事，Kelly依然氣憤難平，謂要追究到底！Kelly表示有朋友用她的戶口去做美容所以蝕少左，而她表示以後都唔會做預繳咁蠢！
--
▌ ▁▌ ▌▁ ▌|情報員標號: 61-217-123-88.HINET-IP.hinet.net |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣