同港姐鬥靚？
Kelly扮《蜀山》仙女
撰文：機 攝影：黃家活 8-7-2001
都說古裝熱潮燒到埋身。《臥虎藏龍》威到盡後，《蜀山》又打鐵趁熱
趕在暑假上畫；片中每個角色造型都又靚又型，其中以張柏芝的「白衣
仙女 Look」最搶眼，飄逸得來又夠英姿颯颯。據聞 Kelly在今年的港姐決
賽中，亦會以類似的仙女造型表演歌舞劇；出道已有幾分似林青霞的
Kelly，跟同樣有「翻版林青霞」之稱的柏芝齊齊做仙女，雖然邊個靚?就
仲未知，但應該點都索過班「歷年最平凡的港姐」? ?!
冇膽選港姐
Kelly又高又靚女，一入娛樂圈就已經大殺四方。如此美人，細細個就已
經有大把 Uncle、 Auntie叫她去選港姐，但 Kelly卻從來都未考慮過。「細
細個時，的確有人叫過我去選港姐，但由於我自小就很怕醜，又不敢當
眾穿泳衣，而且從沒想過要入娛樂圈，所以根本諗都冇諗過。至於其他
類型的比賽，我亦很少參加，因為我細個好低調，不喜歡出風頭。」雖
然 Kelly沒想過做港姐，但她卻有一套獨特的審美標準。「其實高矮肥瘦
都不是最重要（當然不能太醜怪啦！），臨場表現才是取勝關鍵。如果
一個人有自信，就自然會靚，又靚又大方的話，就一定贏硬啦！」 Kelly
正經地說。
今年做仙女
Kelly雖然冇膽選港姐，但做港姐的表演嘉賓就絕對冇問題。「今年我會
飾演一個仙女，與學友等人上演一個英雄救美的故事。其實今年已經是
我第 3年做港姐嘉賓，亦是我第 3次跟學友合作，真係好撟呀！」 Kelly
透露，由於「仙女」要飛來飛去，所以戲服不可以太性感，以免走光。
「雖然不是太性感，但仙女的造型真的很靚，我好鍾意?，大家一定要留
意呀！」 Kelly笑說。
唱〈叮噹〉主題曲
Kelly幾個月前唱過〈超級小黑咪〉，今次又為《 TVB兒童節》唱主題
曲，遲些更會為《叮噹》（現名《多啦 A夢》）唱新版主題曲。「其實
唱兒歌比流行歌更難，因為要唱得輕快之餘，又要咬字清楚。不過可能
因為唱上癮，所以愈來愈喜歡唱兒歌，今次有機會唱〈叮噹〉，真的很
開心，但由於叮噹已經改名叫「多啦 A夢」，所以歌詞亦會有少少改
動，希望大家都會一樣咁喜歡啦！」 Kelly做完兒童節大使後，就會為廣
東和國語碟做宣傳，之後會舉行「拉闊音樂會」和灌錄日文碟， Kelly下
半年繼續忙到抖不到氣。
Kelly青海溫馨之旅
5月 31日， Kelly以「聯合國兒童基金會中國兒童健康大使」身分，展開
了為期 6日 5夜的青海探訪活動。期間 Kelly到過?生院、兒童院、學校
等，一共探望了過百個小朋友，整個過程好溫馨、好感人呀！
--
只想你明白 我並沒有一雙一對 即使我為這難過瞞著別人淌淚 別聽說我
原 遇著誰 誰都可充當伴侶 沒愛上過 問我怎麼去追 只想你明白 那是沒有
實據傳聞 不講說話 還是蒙著眼 才會令你放心 沒錯我愛共別人 孩子氣 過
諒 的開玩笑 但對你卻沒有 口不對心 原諒我看似愛過世間所有女子 原諒我過去
有過太多相愛的名字其實我愛過最愛 也只得你是千真萬確 倒底有誰能相信 去
我 從不介意 其實我眼裏永遠也得一個女子 無奈我過去 背上太多不對的名字原諒
--
▌ ▁▌ ▌▁ ▌|情報員標號: 210.200.240.237 |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣