9/12/2000 古巨基同成龍睇齊買Smart車
古巨基日前生日，但係就無老細送車俾佢，咁唯有自己大手筆以十八萬
買左一部現時響歐洲好流既「Smart」俾自己作獎勵！
現時忙於響上海拍瓊瑤既《情深深、雨濛濛》既古巨基表示，有次佢去
到羅馬拍MTV，見到呢類咁可愛既車仔就鍾意到不得了，返回香港之後
就委託相熟既車行同佢預訂一部。
基仔話佢等左好耐，呢種全港只得三架既「Smart」先至運到唻，基仔買
埋呢架，咁演藝界中人就有兩部，另一部就係成龍大哥所擁有。
古巨基話佢鍾意呢款車除左貪佢外型夠可愛之外，仲鍾意佢可以隨時好
似D手機咁換殼，古巨基話可以隨住自己出席不同既場面而同架車換唔同
顏色既車殼，令人時刻都有新鮮感！不過佢今次只係訂左綠色同黑色兩款
，遲下再打算訂其他顏色。
古巨基笑言好掛住佢既「Smart」，不過要拍戲冇辦法唔丟低佢響屋企
，遲D佢拍完套劇，就可以日日對住佢既「老婆仔」喎！
--
※ 發信站: 批踢踢實業坊(ptt.twbbs.org)
◆ From: oas1po57.ht.ficnet.net.tw