蘋果日報
黎明玩幽默 細路唔明
黎明昨日去了旺角一間學校，出席「公筷公羹安全衛生」宣
傳活動，黎明以公筷大使身份做呼籲，還即場教小朋友用公
筷，現場成班家長一見到黎明，重興奮過班小朋友，直情圍
到佢實。
「男人唔使講關係」
唔知黎明呢排係咪心情好，個人都幽默不少，佢話為免麻煩，
於是教小朋友用右手拿公筷的同時，左手拿私筷，可以邊夾邊
食，佢重即席示範，都幾搞笑。不過佢身邊的小妹妹一於好少
理，實行你有你教，我有我食。
黎明同記者做訪問，就唔玩幽默玩番高深，問到有雜誌話佢 台
灣宣傳遲大到，老闆林建岳因此好唔妥佢，黎明舉起手做 個
沒有人明的手勢，搞到全場記者呆了，然後佢笑住咁話：「唔
明就唔答，明就答你啦。」大家惟有猛話明啦，黎明就話：「
人們咁砌法，你重問我？想知乜原因，就去問傳播病毒人，問
電腦黑客，我只係演員一個。」咁究竟黎明同林建岳關係點？
佢就話：「什麼關係唔使講，男人使乜講關係。」
提到好朋友王菲近日傳緋聞，話俾內地演員李亞鵬力追，黎明
話佢唔知亦未聽過，但就講幾句：「人是正常的，拍拖又咁正
常，唔拍拖又咁正常。」黎明份人真係有始有終，兜咁大個圈
都冇人明佢講乜，唔該講重點啦。
--
▌ ▁▌ ▌▁ ▌|情報員標號: 61-217-206-150.HINET-IP.hinet.net |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣