黎明欽點女主角
楊恭如急速上位
由杜琪峰監製,黎明主演的近片"真心英雄",女主角人選己塵埃落定
,由楊恭如擔綱.據電影公司中人透露,今次搵楊恭如出任"真"片的女主角
,並不是杜琪峰的意思,原來竟是由黎明欽點.
黎明有女主角選擇權,據知是他與杜琪峰簽片約拍這片時,附帶的其中一項條件.
在杜峰物色女主角時,黎明便向他極力推薦楊恭如.
一切由廣播劇開始
過去只知黎明拍廣告才挑選女主角,卻未試過在電影合約裏,指定有此權利,
而且過去與他合作過的女星亦不少.為何黎明今次力薦楊恭如?內裏原因米知,
但據云早前恭如有份與他一起錄電台廣播劇,亦是由黎明一手拉攏.由廣播劇至拍電影,
楊恭如似乎甚得黎明"關照"?
黎明與楊恭如在電影"甜蜜蜜"中本是情侶,但終以分手收場,此番再續未了緣,
究竟會否擦出愛火花尚未可知,不過現實中卻似乎已見火花.
三位當事人各說各話
Leon:我乜都唔知
黎明對於傳聞指由他欽點恭如做女主角,表現得非常平淡:"關於套戲0既0野,
女主角揀邊個,我全部唔知道,問阿杜(杜琪峰)就最清楚....."(女主角唔係你揀咩?)
對於有關新片女主角傳聞,黎明一概話唔清楚,似有心迴避這個問題.
恭如:我好想演出
至於另一當事人楊恭如,知道"真"片由她主演,並傳是由黎明點名,
起初十分無奈表示:"電影公司同我聯絡過有關做女主0角既事,
乜係黎明揀我0既咩....而家你講我先知道."
隨後,她又表示:"黎明搵我做女主角....我都有聽過....(言語間表現雀躍)
梗係好開心啦....佢點解搵我?唔知呢.....而家我拍緊亞視部劇,日日開工,
希望盡快可以度個期俾電影公司,目前雙方仲未簽約,不過我真係想拍部戲呀!"
阿杜:Leon有俾意見
黎明口口聲聲話"唔知道",結困俾杜琪峰踢爆.談及此事,
阿杜十分含蓄:"大家0係傾合約時,講明雙方都有權就女主角人選俾意見...
楊恭如係咪黎明要求揀0既....唔其實都冇話要唔要求0既,
總之佢可以俾任何意見.至於係咪真係由楊恭如做女主角,
而家劇本仲未寫晒,等劇本完全搞掂再講都未遲.
"女主角問題?阿杜有心賣關子,但他卻透露男主角黎明,今次會一改形象,
不再是只Sell靚仔樣,改以動作感極重新Look示人,務求令觀眾一新耳目.
黎明寵兒逐個捉
(一)李嘉欣
多年前的"妖獸都市"一片,李嘉欣做女主角,傳聞是"好朋友"黎明介紹給導演徐克.
(二)Lee Ann
黎明拍98和記電話廣告,那位貌似李嘉欣的新加坡華僑靚女Lee Ann,是黎明千挑萬選揀出來的.
(三)楊恭如
新片"真心英雄"女主角楊恭如,盛傳是黎明極力推薦予杜琪峰.
以上三人均擁有5呎7吋或以上的高度,瘦削,骨感,長髮,一雙水汪汪大眼睛和一副高挑身材.
--
我 那個時候的想法 好像孩子那麼傻
除了想你 和愛你 沒有其他
可以不顧一切 追求美麗一剎那
忘了背後的代價
事過境遷 才開始 覺得驚訝
--
※ 發信站: 批踢踢實業坊(ptt.m8.ntu.edu.tw)
◆ From: pm03-24.dialup.