http://www.leonfansworld.com/index.asp?MessageID=8991&RMessageID=8991
台前幕後．阿吉
1.
談論電影作品 黎明情有獨鍾（日期不詳，應是1995年的．明報）
阿吉係度同人講電影，忽然諗到，問身邊o既黎明︰
「黎明，你最鍾意o既電影係邊一部？」
佢諗o左一下，問︰「淨係揀一部？」
「係。」
「西片定港產片呀？」
「不論港產片定西片，只準揀一部你鍾意o既電影。」
黎明好慎重係度考慮，我地幾個係度七口八舌。阿吉話鍾意《教父》，梁天恩
問︰「《教父》之中邊一部？」「第二集。」阿吉話。
梁天恩話，佢鍾意侯孝賢o既《童年往事》。
陳善之則話，鍾意侯孝賢o既《戀戀風塵》。
一輪爭論之後，黎明話︰「我諗到o羅，我鍾意陳可辛o既《雙城故事》。」
「真係？」「係呀，呢部片當年我好鍾意。」
「咁呀，咁係下個月同陳可辛合作拍片，一定會好愉快。」
「我亦有d怕自己對佢期望太高，佢係點o架？」黎明問。
「可辛話佢係一個好難相處o既導演，環顧整個電影圈，佢只發覺一個人
比佢更難相處。果個就係爾東陞。可辛話非常慶幸知道有一個爾東陞比
自己更難相處。」
「如果果個人覺得自己難相處，即係話佢經常反省自己啦，佢都應該唔難相處。」
講這話的好像是梁天恩，而阿吉望o下黎明，佢點頭同意。
2.
黎明保母叫子泉 一睇便知是好人（1995年10月3日．明報）
明星的保母之中，阿吉最熟o既要算係黎明o既保母子泉。子泉係黎明o既同學，
以前做股票經紀o既。據說係某一年，好似係某屆港姐活動，黎明要隨港姐去歐
洲拍專輯，搵o左個同學做伴，從此，我地同黎明打交道，就要搵子泉。
子泉高高大大，佢一企埋去，成個六呎長o既黎明都俾子泉遮晒。子泉眼大大，
看上去是個好人，很純的樣子，某次，吃飯時，我說︰「一睇子泉，就知係好人
。」忘記係邊個將話帶俾子泉，子泉聽見我咁形容佢，就說︰「絕對正確。」
因為黎明太忙，子泉也就冇覺好訓，佢去邊，佢跟去邊，還要幫他擋一些煩人煩
事。人人都自覺有地位，有權單獨訪問黎明，子泉怎樣應付呢？又要不得罪人，
這個學問真難。
黎明說子泉脾氣唔係好，佢向佢使脾氣d時候多過佢。子泉最近咳，醫生話再唔醫
好就變哮喘。但子泉冇得抖，黎明風塵僕僕，佢亦風塵僕僕。
這次在福岡，子泉對我話︰「黎明咁o既樣貌，係日本一定好受歡迎o既，你話係
咪？」「係。」這個同學係有個年入四千萬的同學，他還想他衝向亞洲，一點妒
忌都沒有，真難得。
子泉有一日羅o黎一本書，書名《有禮行遍天下》，佢話︰「我睇關於禮儀。」
「o我！」「睇o左教leon。」這樣的朋友，何處去覓，黎明都算好命。
http://www.leonfansworld.com/index.asp?MessageID=8964&RMessageID=8964
台前幕後．阿吉
1.
助手理想大 黎明嘆奈何（1996日期不詳．明報）
黎明的助手子泉每年都會因為工作煩躁「離職」一次。今年的五月，子泉又冇返工
，黎明對子泉年年一次的「離職」亦感厭煩。 五月底見到阿吉時還o幾哩嘩啦發一
頓脾氣。
「要返來就返來，唔好講咁多o野，講來冇用。」黎明話。
子泉當然又如往年一樣，抖順o左條氣就返工啦。返工後，聽見話黎明見過阿吉，
「o下？咁阿吉咪知我離職？死咯，佢實寫o既啦，又俾人笑o既咯。」子泉返工後還
擔心俾人笑呢。
黎明的這個助手子泉，佢o既偶像係李嘉誠。話說較早時黎明幫李嘉誠拍了個嘉湖山
莊廣告，果日，見完李嘉誠出來，黎明回到車上，見到子泉，子泉騎騎笑，黎明心知
肚明，問︰「點呀？想同偶像映相係嘛？係就來啦。」於是拉了子泉，蹬蹬蹬，跑上
樓去，找到李超人，「李生，呢個我助手，想同你映張相。」相是映了，子泉也滿意
了，黎明覺得功德完滿。「喂，佢係我保母o番，今趟好似我調轉來係佢保母咁。幾
抵得諗呀，知佢崇拜李嘉誠，專登拉埋佢地一齊映相。」
有趣的係︰黎明安排之下，子泉同李嘉誠的合照後來石沉大海，照片是「長實」的人
拍的，照片中沒有黎明，長實的人根本不知那大個子是誰。照片自然也就無從寄出。
「你都辦事不力啦。」我取笑黎明。
子泉陪著黎明時，常常閱讀，佢睇的書，包括︰《不要打死一世工》、《如何成為富
豪》，黎明坐在子泉對面，面對著那些書，「身為佢o既老闆，阿吉，你話我有咩感想
呢？係第二個，我炒o左佢好耐啦。」
「鬼叫你地玩泥沙玩到大呀？鬼叫你沙煲兄弟呀。你咁發達。佢唔使睇心理醫生，心
理重咁平衡，還得神落啦。」阿吉說。
2.
黎明真我性情（1996年10月14日．明報）
o個日同黎明傾o下偈，小清話︰「leon，阿吉依家好少寫稿o勒，差不多只剩低明報
一段。佢都懶得寫o勒。」
黎明話︰「唔好寫o勒，阿吉，唔好寫o勒。」
「點解呀？」阿吉問︰「你唔想見到我咩？做咩叫我唔好寫呀？」
「唔寫都可以見面o既o者。」黎明話。
「如果我唔寫，我就唔會來搵你o既o勒。」出師無名嘛。點知黎明話︰「哦，唔係朋
友呀？係寫先至來搵我？」
一時語塞，不知如何作答。
最近圈中一個位高權重的朋友講起黎明之受歌迷愛載時，加o左一句感歎語，話︰「
可惜圈中好些人唔鍾意黎明，話佢假。」
阿吉即時話︰「我就唔覺得黎明假，我發覺佢連做少少假都嫌費時。」至於佢未走紅
前，o係他人之教導下，是否做過好多功夫（即係所謂假），阿吉不得而知。
但，阿吉識黎明以來，察覺佢懶得做假，同時真情流露，得罪訪問佢的人添。
黎明已經企穩，o係香港的演藝圈有一定份量，你已經不難看到佢o既真性情，或者早
年做新人時成日俾人教要咁要咁，而又做得唔到家，被人指「假」一d唔出奇。
阿吉亦相信黎明「唔好寫」o個句係真心，起碼佢唔使講完一堆心事後，叮囑︰「唔好
寫。」佢需要一個傾偈的朋友多過寫佢的人。
3.
黎明矇查查製造笑料（1996年10月20日．明報）
袁詠儀話︰「講件事你知啦，好好笑o既。係關於黎明o既。」「係？好呀，講來聽o下
。」
「《少年賭神》有一晚拍黎明扮賭神，闖入麻雀館救我。你知啦，賭神係長頭髮o既，
黎明戴住個假髮，闖入來時個樣好好笑，好喜劇，我忍忍忍，點都忍唔住笑，嘿嘿，
原來黎明係咁喜劇感o既。」
靚靚咁講，似乎有d野省略o左，不過阿吉一時間又唔知係咩，於是行過去搵黎明，問
︰「leon，你同靚靚熟唔熟o架？」
「阿吉，我話你知，我地好早以前係識o既，之後呢，各有各發展，呢幾年可以講係冇
聯絡。o個日麻雀館的戲，我講你知啦，我扮賭神，戴o左個假髮，個假髮咁長，垂低，
遮住一邊面，我根本望唔到呢一邊o既o野。」「哦？咁點呢？」
「你知我又生得高，麻雀館有d牌，呢，吊住o既牌，話呢檯係打幾大，o個檯又係打幾
大o既o個d牌仔，到處都吊住，我一撞入去，個頭咪撞到d牌囉，你地o個d人，見我撞到
牌都唔出聲，仲係度笑。」
「呀？原來係咁，靚靚係笑你戴假髮盲衝衝撞到d牌，嘻，仲話你好有喜劇感添。」
「咁就唔慌唔喜劇啦！」黎明話。
--
每次看
還是想要噗一次xD