Re: [感想] 北運: 多謝肥do

[jolieho (jolieho)]

係任何一個團體入面
一句小小０既加許
可以俾到做事者極大０既鼓舞同成就感
呢份喜悅將化作動力
令佢地更用心咁為團體中每一員謀求福利
令大家可以化戾氣為祥和
團團結結　上下一心

學校設有優異生獎狀 獎學金
社會入面有傑青
國家領導者決策精明都會得到人民0既掌聲同愛戴
呢d都係想鼓勵付出過0既人繼續努力發奮
同勉勵無得獎0既人力爭上游
學校同社會對用心盡加後0既傑出表現都有實際0既獎勵
咁難道幹事們辛辛苦苦無條件咁將活動搞得好
連一句加許  一種咁無形0既獎勵都唔值得有咩?
我相信大家去老人院探d呀公呀婆
係街度扶個盲佬過馬路
係巴士度讓位比大肚婆
佢地都會講聲多謝
咁難道大家就可以因為幹事們年紀唔細 就無視佢地0既付出
對佢地做得好0既義務工作連一句加許都唔應該比咩?

我諗大家出到社會做事  無論幾唔愉快都好
番到屋企始終會得到溫暖0既感覺
因為家人始終會係你身邊支持你 為你煩憂為你愁
港澳會成立0既目的不是想
係一片唔屬於我地0既國土上建立一個屬於我地0既團體
比一班離鄉別井遠道求學0既莘莘學子一個家0既感覺嗎?
咁點解要講到港澳會其實係現實社會0既縮影
港澳會係為左令我地體現人情冷暖 世態炎涼
所以港澳會只記過不記功
務請各位作好準備  好自為之
是這樣的嗎??

做港澳會幹事係義務性質
的確  責任唔會因為義務性質而減輕
但我想  加許亦都應該因為義務性質而增加
咁先至公平架嘛
但如果大家要話  現實社會根本一d都唔公平架啦
咁如果一個大學生連追求公平正義0既社會責任都無
批判性思考又不足  只係識得隨波逐流
咁我想請問
一個大學生畢左業之後除左可以為國家增加GDP同為一兩名人口之外
仲有咩用?

所以  係港澳會幹事做得唔好0既時候
請以溫和態度予以批評
然後以誠懇0既態度表達更有建設性0既方案
令佢地可以更有效地檢討and下次可以做得更好
但如果佢地做得好 就請表現出一分讚許
咁先至公平

我害怕承擔責任
所以無做今屆港澳會0既幹事
平時見到alan都無乜兩句 甚至直行直過 (但唔代表我地咩恩怨心結)
所以我唔係以辛苦做完野又比人插and so 深心不忿0既身份黎講野
我亦唔係針對北運呢件事黎講
而係想藉住北運一事表達由大一開始就有0既諗法:
我覺得港澳會幹事做野得到0既真係有彈無讚
但係讚美同包容可以令到港澳會和諧
有和諧先至有進步
團體如是  社會如是

最後
本人在此對今屆港澳會全體幹事表達最深的敬意與謝意
and非常多謝有耐心睇完呢篇冗長文章0既你

--
※ 發信站: 批踢踢實業坊(ptt.cc) 
◆ From: 140.119.140.170
推 arde:中肯!!!大家咀巴友善一點 勤刷牙 異味沒了淚氣也消
→ arde:如果各位怨氣太重我建議你地雙副主修社會系
→ arde:師資優良 課程輕鬆 畢業出來社會做個有氣質的人
→ arde:PO友係文章中重複打了七次"社會" 我係見到的^^
推 funnymic:阿dee 又出來賣笑了... XDDDDDDDD
推 gappa:係"戾"不是"淚"啦 娃哈哈
推 royceeeee:迪狼(←不是郎),係好愛系喎....值得表揚....
推 arde:明天中午12點系籃對風管 "社在管子裡" 歡迎大家觀看
→ arde:蛙妹 你唔好玩爭對WOR
推 royceeeee:你咪屈得就屈喎...