太陽報 2005/11/21
謝霆鋒在橫店拍電影《龍虎門》，演繹武功高強的「王小虎」，他前日使出一招「倒掛金
鵾」時傷及手部，及後再施以一式「降龍十八腿」凌空跨過人頭的動作，落地一刻拗柴！
搏晒命的霆鋒儼如王小虎上身，包紮傷口後繼續拍！
先後在荷里活揚名的動作指導林迪安、甄子丹讚賞身手靈活、功夫動作佳的謝霆鋒，在橫
店拍攝明年暑假上映的大製作《龍虎門》電影，日日搏命練戲中主角「王小虎」凌空踢腿
絕招，拍攝時更功架十足。但前日突生意外，霆鋒傷完手又傷腳。
堅持親身上陣
霆鋒前日在片場拍戲，來一個凌空翻騰「倒掛金鵾」打敗惡人戲份，卻不慎在落地一刻扭
傷手，霆鋒雖痛只休息一會便繼續開工，之後他要使出王小虎絕招「降龍十八腿」凌空跨
過人頭招式，霆鋒突然差錯腳與武指一同墮地受傷，腳部拗柴的霆鋒痛楚萬分，嚇得劇組
急召醫生替他醫治，待包紮好傷口，霆鋒竟然要求繼續拍攝，指自己頂得住。本來導演表
示找替身代他，霆鋒反應極大，堅持親身上陣，幸之後霆鋒真的像「王小虎」般打不死順
利拍畢。
霆鋒經理人霍汶希坦言，知道霆鋒出意外仍繼續開工很擔心，幸無大礙，她說：「拍動作
戲出意外真係冇人想，亦相信電影公司做足安全措施，但霆鋒堅持包住手、腳都要拍戲，
係因為佢練畄好耐，唔想因為咁用替身。而且部戲拍緊煞科，佢唔想影響進度，但佢答應
以後會小心。」
--
※ 發信站: 批踢踢實業坊(ptt.cc)
◆ From: 61.229.26.43