http://hk.apple.nextmedia.com/
採訪：胡比 攝影：陳俊強
任賢齊年初七往澳門開騷，找來農夫擔任嘉賓，正值農曆新年，農夫老實不客氣，
決定在小齊的演唱會上揸兜躶利是，開騷當日是小齊細仔正日生日，
小齊希望完騷後能幫囝囝搞個生日派對，農夫就做大豪客，派對上包起酒水，
任劈維他奶跟好立克。
任賢齊將於農曆年初七往澳門新濠天地開騷搵真銀，今次還找來農夫當嘉賓，
實行有錢齊齊搵，農夫笑言：「到時我哋兩個會揸兜落台躶利是，仲要係大兜嗰隻，
聽講新年做騷，會有好多利是躶 o架！有機會仲唔掃場呀？」問小齊會否效法農夫做法，
他笑謂：「我怕落到台要我派利是派番轉頭喎！」
互窒講嘢唔正
問小齊點解會搵農夫做嘉賓？小齊謂：「佢哋兩個得意又可愛，
好少 rap嘅組合好似佢哋咁，通常 rap嘅組合都好粗口嘛！佢哋就唔係囉，
新年想氣氛熱鬧啲，之前我喺上海嘅演唱會，搵過佢哋做嘉賓，佢哋一出場，
講幾句國語就逗到啲觀眾不知幾開心，所以咪繼續搵佢哋囉。」
農夫都不甘示弱，回敬話就如小齊講廣東話般，輕易地逗人發笑。
做騷當日，正是小齊細仔兩歲生日，問他怎樣跟囝囝慶祝？小齊顯得惆悵說：
「我都未知呀，可能一家人早啲到澳門玩番幾日，開完騷搞個 party囉，
反正新年有咁多工作人員，仲有農夫陪我個仔過生日，應該都幾開心嘅。」
問小齊準備甚麼禮物送給囝囝，他說：「未諗到呀，買金條囉，我鄉下一向都興買金
送畀啲仔女，每年我個女同個仔生日都會買金條嘅。」問到農夫有甚麼表示？
陸永搞笑話：「咁我哋包晒 party啲酒水囉，全部飲維他奶同好立克，任劈。」
在旁的小齊被他們弄得哭笑不得。
--
世間有 謗我 欺我 辱我 笑我 輕我 賤我 騙我 如何處置？
只要 忍他 讓他 避他 由他 耐他 不要理他 再過幾年 你且看他。
--
※ 發信站: 批踢踢實業坊(ptt.cc)
◆ From: 112.104.3.151