《轉貼小曼網--謝謝洛的留言》
http://www.stareastnet.com/tc/sp/20020518/gossip/126655.html
任賢齊首場的演唱會於前晚正式開騷，由於笨豬跳表演被禁止，所以小齊就更加落力
，施展渾身解數演出，而一向擔綱小齊個唱重要嘉賓的女主角莫文蔚，就被另一位嘉
賓Maggie Q取代，她跟小齊在台上大跳貼身舞，既纏綿又火辣，睇得歌迷尖聲狂呼。
擔任小齊首場個唱表演嘉賓的有莫文蔚、盧巧音及Maggie Q，過去小齊在香港或其
他地方開演唱會，莫文蔚都一定畀面出席，以性感打扮與小齊唱情歌，大跳辣身舞，
而Kiss及擁抱亦自然少不得。而前晚Karen就覑得較為密實，跟小齊一同演繹《廣島
之戀》，二人只是互相對望而已，沒有Kiss。當他們在合唱時，歌迷的反應好極端
，有歌迷大讚Karen好靚，有歌迷就竟然高呼：「八婆！」
而Karen在台上表示自己每次都為小齊擔任個唱嘉賓，並即時高舉工作人員證件說
：「我諗我係工作人員多鱓，遲鱓到我開演唱會時，就要佢慢慢還債。」
輕撫小齊大髀
當小齊演繹《美麗的壞女人》時，台下打扮得如瑪莉蓮夢露的Maggie Q就走上台，
她以一身低胸裝，開高衩裙，露出誘人的大髀，極盡性感之能事。她甫出現，即引起
全場高呼尖叫。二人在台上又攬又錫，小齊就手掃其上肩及背脊，而Maggie Q就背覑
小齊，輕撫其大髀，最後，小齊更坐在椅上，讓Maggie Q輕托其下巴，而小齊就馬上
輕吻美人的玉手，搞到歌迷個個都咿嘩鬼叫。
而小齊在安哥環節交代未能表演笨豬跳一事，他表示自己未能演出，的確有點失望
，但他相信這不太要緊，因他是守法之人，而歌迷的到來無非為聽歌而已，希望觀眾
唔好介意。是次個唱是以四面台的設計，當小齊在行經斜路時，歌迷沒有機會握手，
就趁小齊不在意，便偷襲摸小齊個PatPat。
否認冇覑內褲
自言好鍾意Beyond的小齊在安哥部分演繹《海闊天空》時眼有淚光，他表示因為受
歌詞所感動。問覺得Maggie Q當晚性感嗎？小齊即猛力點頭示意，他說隊Band在見到
Maggie Q出現時，大家都目瞪口呆，睇到眼凸凸，連樂譜都唔使睇就彈奏音樂。問他
聽到有歌迷向Karen說八婆嗎？小齊表示聽唔到，亦唔相信歌迷會這樣做。當晚的其
中一套衫是黑色穿窿褲，驟眼看似沒有穿內褲，但小齊否認，他說所覑的是白色內褲
，因為自己覑唔慣T-Back。
採訪：謝慧玲 攝影：陳俊強
照一：Maggie Q挑逗成功，小齊輕吻香腮。
照二：莫文蔚與小齊唱情歌。
照三：小齊乘坐馬莎拉蒂跑車出場，極具派頭。
照四：小齊與Maggie Q在台上卿卿我我。
照五：歌迷趁機偷襲小齊PatPat。
照六：小齊所穿的褲有真空之嫌。
--
※ 發信站: 批踢踢實業坊(ptt.cc)
◆ From: 218.163.11.126