《轉貼見賢思齊》
任賢齊努力為結婚鋪路?
任賢齊出道超過十年, 雖然偶然會與合作女星傳出緋聞, 但至今依然保持著一個健康
的形象, 更擁有一位同甘共苦達十五年的女朋友, 而近日小齊頻被人追問他最私人的
婚事時, 主人翁表示要等退居幕後才考慮結婚, 剛巧最近小齊竟斥資過千萬與呂良偉
等人於內地投資運動裝生意做其老闆, 難道小齊正在為結婚而鋪路?
結婚不可以太遲
小齊唱而優則演, 在中, 港, 台三地均有相當高的知名度, 絕對可以說是事業有成,
加上最近更進軍商界, 完完全全擁有與相戀十五年女朋友成家立室的條件, 不過原來
這一切的條件卻反而成為小齊考慮結婚的大障礙. "呢個係人生o既大事, 我要好小心,
因為而家工作太忙喇, 無時間去照顧屋企人, 我試過好認真咁去諗呢個問題, 我覺
得如果自己真係咁忙, 時時唔o係屋企, 做呢個咁重要o既決定, 壓力一定好大, 我希望
我o既工作去到另一個階段先再去諗呢o的人生大事." 小齊曾經對傳媒表示過要等到
轉幕後工作才考慮結婚, 不過到訪問當日, 小齊又似乎有另一種睇法.
"其實等到轉幕後先結婚只係我其中o既一個想法, 但我根本唔知自己幾時會轉, 如果
大家一路都接受我o係幕前工作, 咁我咪唔可以結婚! 其實我都唔想拖住人o地太耐,
太遲結婚." 言下之意, 小齊之婚期似乎有提早之跡象, 各小齊fans看來要做足心理
準備了.
不會靠緋聞做新聞
小齊出道多年雖然緋聞不多, 但每每與女星如莫文蔚, 鄭秀文及盧巧音合作都惹來疑
幻似真的戀情傳聞, 兼且相當有話題性. "我諗係因為我同拍戲o既演員大家相處得好
好, 好friend, 有講有笑, 所以大家都會好奇, 我o地係咪拍拖呢? 我諗入得娛樂圈
都預o左呢個情況, 但我唔想拎呢o的o野出o黎做新聞, 我希望大家將焦點放o係作品上,
唔好淨係關心我o既緋聞." 雖然小齊自言會以輕鬆的心情去面對緋聞, 但亦擔心緋聞
僧影響自己與朋友之間的友誼. "我會好小心處理呢o的問題, 因為我都唔想呢o的新
聞帶俾人o地麻煩, 我會盡力俾對方覺得我唔會利用佢,
但就唔會因為緋聞同朋友保持距離." 至於要面對這些緋聞, 相信最辛苦的, 莫過於
小齊的女朋友. "佢都知我o地作為公眾人身一定會有呢o的迎接, 最煩係佢要同身邊
其他唔係娛樂圈o既朋友解釋, 好彩佢都好了解我."
生命中理想最重要
小齊熱愛運動, 電單車更是他的至愛, 因為如果沒有電單車, 小齊可能不會加入娛
樂圈, 小齊更熱愛音樂, 為了做好音樂, 小齊絞盡腦汁在新專輯內利用不同樂器的
特性, 將音樂的觀感帶給聽眾, 不過說到小齊生命中最重要的卻是理想. "我覺得理想
好緊要, 我每一次做o野之前都會同自己講 : '我一定要盡力為我o既理想去堅持.' 雖
然我可以搵好多錢, 拍好多戲同廣告, 但有o的我真係唔鐘意o既, 我覺得自己唔駛為o
左錢去做, 每一個作品對我o黎講都係一個理想, 我要小心揀, 有呢份心工作時會小
心o的, 用心o的, 堅持o的, 投入o的同埋感情亦會真o的,
理想絕對係我工作o既原動力."
訪問後記
小齊幫fans簽名當然一點也不稀奇, 但原來小齊每次接受完訪問, 都習慣找替他拍照
的攝影師在相片上簽名留念. 並將這些相片貼在位於上海家中的牆上, 據知現在牆上
已貼得滿滿, 閒來在家中欣賞這些照片更成為小齊的生活情趣呢!
--
就像是向日葵只能對著太陽，指南針永遠指著北方，我的目光，永遠只跟著你打轉...
--
※ 發信站: 批踢踢實業坊(ptt.cc)
◆ From: 218.163.9.221