[本文轉錄自 AndyLau 看板]
[轉錄者 Anyyhs 來自 ks46-98.dialup.seed.net.tw ]
作者: Niny (Needing You...) 看板: AndyLau
標題: 大 前 題 孤 男 寡 女 戀 愛 指 南
時間: Thu Jul 6 12:50:32 2000
轉自Andy's Fan Club
大 前 題 孤 男 寡 女 戀 愛 指 南
▲ 「 I need you! 」
孤男遇寡女唔止可以擦出愛火花，仲可以擦出票房紀錄。由劉德華和鄭秀文主演
的《孤男寡女》，開畫八日勁收一千三百萬，暑假只是開始，照走勢睇兩千萬票
房應該可以輕易過關，甚至有望打破年初時《東京攻略》的二千八百萬票房。
隨電影大熱，片中出現的種種戀愛事物更加成為熱門話題，好似幫助提升戀愛運
符咒、女必備電單車、邊度有牛鞭食、點食分手印度大餐、點樣情挑忽冷忽熱男
友同埋戲中和華仔爭Sammi I.T. look型男黃浩然等等……一次過話晒你知。
▲鄭秀文在戀愛符內藏寫上「I Need You」的願望字條。
寡 女 戀 愛 符
鄭秀文的戀愛符，是整齣戲最重要的道具。這種愛情符其實只是紀念品，在大部
分日本廟宇都買得到，例如香港鴨仔團最多去的淺草雷門寺。
▲幫人占卜的神婆部屋，都有類似的戀愛符咒。木牌「戀愛成就」$38，符號石
頭（放在面左上方）$10，粉紅色貓繩$40，米奇老鼠「御守」$68。（神婆部屋
：2301 3186）中間「戀愛」符隨《孤男寡女電影文字記憶本》附送。
▲在香港，要搵就頗困難。外形最似的是避孕套護身符，日本出產，有十二生肖
和星座任揀，上面寫「御守」，裡面藏兩個安全套，作傍身之用，不少性商店有
售。
孤 男 電 單 車
情敵Roger因為一個Boxer頭盔跟電單車迷鄭秀文一拍即合，劉德華地位不保，
Roger幾部全啤令電單車搞到鄭秀文鬼咁high，咁究竟他那幾部電單車係咪真係
咁堅呢？
▲至於鄭秀文口中的《天若有情》華弟戰車，仲錯得離譜，鏡頭所見的是
Honda PGM Ⅳ，實則當年《天若有情》華弟用的是Suzuki RG500，連牌子都錯埋。
▲其中一部車是Honda RVF400，電單車行老細劉志達踢爆，這款車九五年推出，
已屬舊款，當年全新價八萬，現在跌至六萬八千，只屬中價貨。以Roger的巨富
身家，部咁電單車，威風不足，只能說他樸素。
《孤男寡女》電影故事來自九九年五月播出的新城廣播劇，劉德華、鄭秀文聲音
演出，現在電影收得，廣播劇也在新城997重播，逢星期六晚上十時至十二時，
結局篇是七月十五日。
隨廣播劇推出的原著小說銷量甚佳，一年內出到第五版，約賣出七千本。其實原
著小說和電影版劇情出入很大，甚至連I.T.巨富也完全沒有出現，很多過癮細節
是由編劇韋家輝重新創作的。
二 千 年 孤 男 寡 女 必 讀 精 句
約人食飯要話：「聽晚食飯，著靚！」——華少約鄭秀文的命令式約人方式。
迴避問題要答：「下次話你知！」——梁藝齡迫劉德華復合，問他：「如果世界
末日，你最想同邊個一齊？」
I Love You已out，示愛要說：「I need you！」——華少送船尾，舉牌向鄭秀文
示愛。
點樣至有魅力：「事業有成，成熟穩重，有魄力又上進，靚仔又有風度，心地又
好，有車又有樓。」——華少問其他女人自己有冇魅力，個個model answer都咁
答。
戀愛失敗者怨言：「你有冇理過人感受？好cool好有型呀？天若有情呀？女都俾
你溝晒啦！」——劉德華對當年《天若有情》的自嘲。
--
不同人有不同眼光，不相干的人，我不會理他們的看法！
朋友嘛，自然清楚我為人，我只求有一個人明白我就夠....
--華少
--
☆ Origin: 中央情報局 (cia.twbbs.org.tw) From: h134.s143.ts32.hinet.net