杜琪峰唔想同星爺合作
金馬獎導演杜琪峰，自從加入中國星後，地位超然，有操控電影生殺的大權。雖
然阿杜係一個中間人角色，但所有導演的戲開唔開得成，還得靠阿杜向老闆
present，所以他有一定的話事權。有些人唔想合作的，阿杜就可免則免，例如
曾和他傳出不和的周星馳，阿杜坦言唔想同佢合作。
話說當年阿杜同星爺合作《濟公》和《審死官》時，曾傳出兩人不咬弦，合作期
間時有拗撬，雖然這兩齣戲的口碑不錯，但自此兩人已冇再合作。昨日阿杜接受
電台訪問被主持舊事重提，他沒有直接回應有冇和星爺唔咬牙，反而大讚星爺是
一個絕頂聰明的演員，樣樣都識，但阿杜覺得和一個樣樣都識而又絕頂聰明的演
員合作，導演根本就冇訂企，因為這個演員已凌駕一切，阿杜作為導演，覺得很
無癮。可能星爺明白自己所做的事已超越演員份內，於是近年他已自己搞電影，
自導又自演。既然星爺咁難合作，阿杜仲有冇打算再和星爺合作？阿杜只說：「
唔敢話冇機會合作，但點解要同佢再合作？我好尊重周星馳，佢係好冇得頂，但
我同佢唔係好朋友，只可以講得上係朋友，我地甚少見面。」
阿杜除左怕同星爺合作，他也很怕找歌星拍戲，過往和他合作過的歌星有黎明、
梅艷芳、張柏芝和他的愛將鄭秀文。阿杜話D歌星來拍戲只顧住自己係歌星身份
，卻忘記呢一刻是演員，拍戲時又諸多禁忌，呢樣唔得果樣唔得，來拍戲只係想
借電影將他們「彈」起，然後再繼續他們的歌唱事業，阿杜覺得這種現象好唔公
平。這次拍《鍾無艷》和三位歌星合作，亦鬧出很多是非。早前有人以梅艷芳替
鄭秀文吮腳趾的劇照被人用作宣傳噱頭，阿梅慶過火屎，阿杜亦十分憤怒，他認
定係有人搵野唻講，他絕對唔會用呢D來搞宣傳，他亦相信阿梅會明白。對於阿
梅呢個演員，阿杜大讚阿梅甚有義氣，遲D一定會請阿梅吃飯。
*文章轉自cyber日報..2001/1/29--1--
--
2001新世紀新宣言....I Love My SAMMI!!
很愛很愛Sammi的小平........就是我啦!!
--
☆ Origin: 中央情報局 (bbs.e-cia.net) From: nas5po248.ht.ficnet.net.tw