早前有傳聞指杜琪峰要開工，篤定金像獎頒獎禮當晚拍《瘦身男女》，令有份角
逐影后的鄭秀文，不能出席頒獎禮。
頒獎禮當晚，一如所料，鄭秀文要開工，但亦趕得及在宣布「最佳女主角」時到
達現場，等候台上的頒獎嘉賓周潤發和梅艷芳宣布「最佳女主角」花落誰家。當時發哥
大叫：「鄭秀文」，全場嘩然，而睇到得獎名單的阿梅就仲驚，以為發哥食錯藥，但最
陰功的是Sammi，懵盛盛以為爆冷，正欲上台領獎，此時發哥才更正得獎者是張曼玉，
當時Sammi在台下猛笑，是否以笑遮醜，就真係佢自己先知啦！
事後發哥表示一早同Sammi夾定搞下氣氛，如果Sammi同佢唔係早有預謀，肯定嚇
到哮喘病發窒息死亡。發哥呢招幾有效，劉德華指自己聽到Sammi奪獎都愕一愕，仲想
叫出聲。
被指阻頭阻勢的杜琪峰謂：「當晚的確係開工，但一拍完就放Sammi走，雖然我
冇去，但李安奪得最佳導演，我都好恭喜佢。」
--
▌ ▁▌ ▌▁ ▌|情報員標號: h1.34D90241.hinet.net |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣