許志安一連八晚在紅館舉行演唱會，今晚將會是最後一晚。連日來不少老友都畀面到場擔
任嘉賓支持安仔，前晚張衛健便專門從北京飛返港，任表演嘉賓。
健仔一向鬼馬搞笑，做老友個唱嘉賓，當然會趁機玩野，上台時居然和安仔十指緊扣，好
彩安仔好朋友明知安仔唔好果味野，否則安仔肯定有排「歎」。健仔謂︰「拿！冇乜野送
俾你，只係我親手題左幾個字畀你。」講完之後，健仔竟然即時除下人字拖送畀安仔，健
仔搞乜呢？原來鞋上寫著︰「祝你演唱會成功。」健仔更要求安仔把人字拖插落褲頭，表
示此舉可保安仔平安，安仔畀健仔搞到喊又唔係笑又唔係，不過老友一番心意，安仔一於
照單全收，把鞋插落褲頭。
安仔一連八日唱不停，場場爆滿，而且每晚都有好友上台助陣，令安仔大為感動，激動之
時，安仔忍唔住流下熱淚，安仔含著淚說︰「咁多場都全場爆滿，又有咁多朋友捧我場，
我真係好開心，呢一世都感到無悔。」
前晚曾有傳言指安仔「好朋友」鄭秀文會到場支持安仔，但最終Sammi都係冇出現。唔知
是否Sammi唔出現，所以安仔與穿魚網褲、熱褲的性感女舞蹈員大跳辣身舞時更為豪放，
完全唔使就住就住。
Show8
--
▌ ▁▌ ▌▁ ▌|情報員標號: h1.34D90241.hinet.net |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣