快周刊記者:邱子澤
曾經聽過好多人講鄭秀文的壞話，話佢脾氣臭、難相處、講英語扮鬼
婆等等，雖然唔係咩惡行，但肯定得罪唔少人，不過亦有好多人讚佢。
蘇永康曾經同我講：「其實Sammi唔難相處，佢只不過怕陌生人，例
如成班自己人去玩，佢會玩得好放，但一有外人佢就會正襟危坐，好唔
自然。你唔好睇佢外表好冷漠，其實佢外冷內熱，好關心朋友。」
施念慈亦都話：「Sammi好好人！之前同佢拍<<寵物情緣>>，佢未試
過遲到，好準時。佢唔會擺架子，主動同我呢個小配角傾偈，又同我
講佢細佬同我一樣讀港大，我覺得佢真係好正！」
有唱片公司高層話：「Sammi呢兩年變晒，對人好親切、好客氣。以
前佢壓力好大，所以一唔開心俾面色你睇，因為佢唔衰得！依家心態
唔同，性格變得好開朗，可能睇化了。」
其實我認為每個藝人都有唔同性格，性格討好未必一定紅，但呢個
世界真係好細，可能你十年前得罪了一位小職員，十年後呢個小職員
會影響你的事業，正所謂君子報仇，十年未晚也，所以千祈唔好亂得
罪人。
我唔識鄭秀文，佢亦冇得罪我，幾年前同佢做過一次專訪，印象都
唔錯。我覺得佢唔係太信人，有時又信錯人！佢呢兩年好想獨立處事
，唔想靠人，但佢身邊有太多圍牆，好多人想幫佢都幫唔到。
Sammi性格有冇變我唔知，不過我覺得佢唱功比之前進步，通常佢
呢一級歌手，唱歌只會愈來愈差，但最近聽佢唱Live，真係好過以前
，好神奇！反而演技就冇乜點變，<<孤男寡女>>都係一貫傻大姐演繹
，不過都睇怕贏梗影后！
鄭秀文有首<<插曲>>講怕了傳媒:「純粹動作，未了有風，是否因
此拼命歪曲... ...人太倦了，請你諒解，求能讓我此後愉快！」我
相信係好多藝人心聲。
--
▌ ▁▌ ▌▁ ▌|情報員標號: pcl2-b03.pcroom.fcu.edu.tw |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣