由梁朝偉、鄭秀文和周麗淇主演的《同居蜜友》昨晚（3月30日）在一間酒樓拍攝
一場兩女爭一男的戲份。

唔記得與曾華倩戀情

偉仔（梁之暱稱）對於在戲中成為Sammi（鄭之洋名）和周麗淇鬥爭的對象的戲份
，他笑說：「唔尷尬！不過好大鑊！現實生活中未試過。（曾華倩在節目中重提
你和他的戀情，仲話當年係佢飛你喎！）是但啦！冇話邊個0岩邊個錯既！都過左
去囉！唔記得喇！我以後只會記開心事。」

有指Sammi在沒有他戲份時經常遲到，偉仔說：「唔係呀！幾好呀！可能係我經常
早到吧！」就記者所見，偉仔與Sammi很少傾談，沒有默契，偉仔解釋說：「我係
一個怕羞和慢熱既人，況且男同女太主動會令人誤會，除非好熟，如果唔係我寧
願少講野，費時令人誤會。」

唔學發哥減收片酬

偉仔坦言拍這齣戲好大挑戰，因為要搞好些人際關係。問到有沒有意學發哥般減
收片酬，有待齣戲票房好分花紅時才補數？偉仔笑說：「有幾多套《臥虎藏龍》
呀？正如荷里活有幾套《帝國驕雄》呀？《臥》收得咁好係一個異數，大有大做
、細有細做，不過當然有錢就最好啦！」

拒談嘉玲

對於女友劉嘉玲被指成為國內名模石川和其女友的第三者，還被石川女友罵她「
賤格」，偉仔說：「仲回應？你仲好意思問我？」仍然拒絕回答與嘉玲的戀情。

*轉自show8 2001/3/31
http://www.show8.com/e01/detail.asp?headlineID=3212
有兩張照片有SAMMI...^^