《嚦咕》《天下》正面交鋒
劉德華牌章高贏爛面偉仔
三部賀歲港產片在一輪猛烈宣傳攻勢後，昨日終於全部上映，搶先一日推出的《
嫁個有錢人》走勢仍然凌厲，而新加入戰團的《嚦咕嚦咕新年財》則暫時贏《天下
無雙》，賀歲票房最後是誰跑出，現在要睇邊部戲有後勁喇！
鄭秀文與任賢齊主演的《嫁個有錢人》前日搶閘上映，全日收107萬元（33間戲院
），成為當日中西影片票房第一位。而昨日劉德華、古天樂、梁詠琪等演出的《嚦
咕嚦咕新年財》及梁朝偉以爛面做型演出的《天下無雙》同日上畫，正面交鋒，令
戰況更加熱鬧。兩部新上畫影片的卡士陣容同樣鼎盛，不過依昨日的賣座情況，《
嚦》片比《天》片稍勝一籌，深受一班年輕學生的歡迎。
鄭秀文贏西片
雖然《嚦》片比《嫁》片遲一天上映，但走勢就相當凌厲，除拋離《天》片外，還
迫近《嫁》片。昨日上映下午2:30場，《嫁》片與《嚦》片同收10萬元（33間戲院
及28間戲院），估計全日票房兩部電影均達120萬元，競爭激烈，可謂叮噹馬頭，難
分高下。另外，《天》片估計2:30場收約6萬元，排列第三位。
年近歲晚，昨日銅鑼灣時代UA及皇室堡戲院一早已經大排長龍，有買即場戲票的
觀眾及預售年三十晚戲票的觀眾，《嚦》片及《嫁》片預售情況相近，於年三十晚
黃金時段晚上9:30及午夜場的戲票，預售均達六成，走勢相當不俗。而《天》片的
售票情況雖未及另外兩部影片賣座率高，但亦算理想。
採訪：溫敏芝 攝影：陳永
成報 2002/2/9
http://www.stareastnet.com/tc/sp/20020209/photos/60052m.jpg
--
▌ ▁▌ ▌▁ ▌|情報員標號: 61-216-112-21.HINET-IP.hinet.net |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣