鄭秀文：希望保持落去
嫁》片女主角鄭秀文透過經理人郭啟華說：「聽到呢喜訊覺得好開心，因為贏埋西片，上年聖誕西片贏，所以今個農曆年希望港產片贏番，今年三部賀歲片演員同吸引力都好好，所以上映之前自己都好緊張，不過首映晚睇見觀眾反應好好，心先定落，依家贏先，希望可以保持落去。」
同是《嫁》片男主角的任賢齊說：「我希望大家票房都好，好多謝觀眾支持，之前冇諗過會贏，不過戲名改得好好，吸引到女性觀眾去睇。」
《嫁》片導演谷德昭說：「好開心！過兩日一定要叫老闆同演員夾錢，請工作人員食飯慶祝，鄭秀文真係好有觀眾緣，女仔好鍾意睇佢做戲。」
《嚦咕嚦咕》男主角劉德華說：「第一日開畫係咁啦！我認為《嚦》片會有實力令大家歡喜，亦都有實力會贏，外面人同我講《嚦》片好有劇情同好有警世意味。」
《天下無雙》的梁朝偉說：「其實票房係控制唔到，我都唔知邊部會跑出，自己都冇刻意去問，不過睇《天》片首映晚，我自己就感動到喊。」
FROM 太陽網
http://www.the-sun.com.hk/channels/ent/20020210/20020210003442_0003_1.html
--
▌ ▁▌ ▌▁ ▌|情報員標號: e-adsl-kh-A15.hitron.net |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣