許志安生日無心慶祝拒再承受驚喜
昨晚李克勤撞見趙頌茹，驚嘆阿Ｙｕ真係好似鄭秀文，尤其最似當年Ｓａｍｍｉ同克勤合作《浪族闊少爺》既年代；身為Ｓａｍｍｉ既好友，許志安認唔認同克勤所講既說話呢？安仔猛咁推搪，猛話唔想講多錯多，亦唔認同克勤所講既話，佢堅持唔覺得阿Ｙｕ似Ｓａｍｍｉ，但若然克勤話係的話，就由得克勤啦！
可能受蘇永康勒戒事件影響，許志安似乎冇乜心機，就算下禮拜一生日，安仔都冇心情慶祝，因為身邊好多朋友都唔響香港，佢仲呼籲大家唔好幫佢搞乜野驚喜派對，安仔笑話唔可以承受太多驚喜，佢怕會暈喎！
05/08/2002 02:24 PM
趙頌茹佔鄭秀文便宜成功出位
仲記得剛剛出黎果陣，趙頌茹似乎好介意俾人話佢似鄭秀文，但唔知係經過唱片訓話，抑或連前輩李克勤都話似到十足十，再問番似唔似Ｓａｍｍｉ呢個問題，趙頌茹已經轉左口風，佢話雖然都覺得自己唔似，但都認同似Ｓａｍｍｉ有著數，容易俾觀眾記得！
就係因為似Ｓａｍｍｉ，班記者上次至會要求佢同許志安合照，至會搞到阿Ｙｕ咁尷尬，諗番上次情況，阿Ｙｕ猶有餘悸，佢話當時真係好緊張，雖然冇講到標冷汗咁誇張，但真係有冒汗，若然下次再撞到Ｓａｍｍｉ既話，阿Ｙｕ話真係唔知點算，因為佢覺得而家好似佔左人地便宜咁，覺得有ｄ唔好意思！
--
▌ ▁▌ ▌▁ ▌|情報員標號: 218-163-19-177.HINET-IP.hinet.net |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣