可以話本年度最大卡士既新片《無間道》，除左有四大影帝，劉德華、梁朝偉、曾志偉
同黃秋生之外，女主角方面，有消息話，鄭秀文已經答應演出劉德華既女友角色，今次
只係會客串一日，Ｓａｍｍｉ可以話俾足面華仔！


昨晚，《無間道》響新蒲崗開工，劉德華話，四大影帝既碰頭機會其實唔多，因為呢場
華仔同偉仔鬥智，可能另一場秋生同志偉擔戲；雖然昨晚七點幾探班，但明顯見到梁朝
偉黑左好多，偉仔解釋，之前同秋生拍左一日戲，雖然已經有瓦遮頭，但當日陽光實在
太勁，搞到偉仔變左黑炭頭，返屋企痛足一日！