陳可辛監製部《見鬼》狂收超過一千萬，昨晚一班台前幕後手足聚埋食番餐，陳可辛
話，部戲收得固然高興，但最開心既，仲係令香港電影重光喎！
陳可辛話，之前香港電影本來揚威東南亞市場，但隨住香港電影日漸衰落，響外地市
場既優勢亦逐漸喪失，除左《少林足球》之外，而家好多片商都唔買香港片，好彩呢
次《見鬼》唔單止香港賣座，響外地反應亦好好，呢個至係最值得高興，何況今次《
見鬼》投資千一萬，但卡士費只係佔好少部份，陳可辛監製電影既原則，演員既片酬
只能佔製作費三分之一！
盛傳鄭秀文片酬高達四百幾五百萬，陳可辛話完全冇問題，只要Ｓａｍｍｉ所簽既電
影，製作費響一千八百萬以上，呢類片依然接得過，佢仲將呢個意見，直接話過俾Ｓ
ａｍｍｉ聽，雖然佢地傾過偈，但陳可辛否認同Ｓａｍｍｉ有合作計劃，一切要等機
緣配合！
--
▌ ▁▌ ▌▁ ▌|情報員標號: d060103.ntctc.edu.tw |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣