Feel Like 1998

我想一個人靜下...... 第二日, 出面落住雨, 好大雨, 天空又黑又灰...... 佢話比
我聽, 佢又訓唔著, 問佢做乜野啦, 佢話驚失業! 鬼咩, 琴日眼白白睇住隔離個Anna
接左老細個大信封呀, 大學生黎架, 何況Stanley只係得中五畢業, 唔驚就奇啦! 我
知架, 佢依家最想聽到老闆同佢講:"唔好走留係度!", 家下d電視, 唔係預測d股票跌
破幾多點, 就追擊個d業主點樣無能力供樓兼上會, 幾年前d樓價咁貴就話無能力買姐
, 真係世估唔到家下d樓價咁低都會搞成咁, 睇下睇下, 你都咪會登唔個d業主心悸..
.... 都有件喜事沖起下0既, 搞左咁多年的赤臘角機場就黎起好啦bor, 話7月有得用
wor, 咁困擾左咁耐0既噪音問題, 終於可以得到解決啦, 真係好希望特首講過: "中
國好香港好, 香港好大家都會好"lee句說話就好啦!...... 肥Ling今日生日呀, 不過
佢無慶祝呀, 反而走左去投票, 佢話要送份大禮比政府wor, 我問佢tick邊個圈啦,
佢唔肯講呀, 不過我知佢好想羅李大狀個簽名架......