《少林足球》一班師兄弟，最近連中兩元，五師兄周星馳拍左一個牙膏廣告，連三師兄田雞、四師兄小龍陳國坤，同六師弟肥仔聰都有著落，一齊拍左個香米廣告ꄊA眾師兄弟分頭搵食，搵到盤滿砵滿！
先講星爺果個大陸牙膏廣告，響番禺一個爛尾商場拍攝，不過呢個商場爛得幾有型，爛到成個羅馬鬥獸場咁，星爺再次展現五師兄大力金剛腿既雄風，
當然，就要借助威也完成動作啦；星爺話，雖然自己棚牙唔係好靚，但既然有機會，一於試下拍牙膏廣告，加上又係星爺自己公司製作，佢都想借呢個機會，
幫公司一班新人，好似小龍陳國坤同李卉打好關係，等佢地多ｄ演出機會！
至於星爺既助手，三師兄田雞田啟文，亦俾一隻香米睇中，拍攝新一輯廣告，獨食難肥，田雞搵埋小龍同肥仔聰幫手，一齊扮演大賊入屋爆格，屋主掛住食飯
，居然懵閉閉完全唔知；原來，田雞向來有參與呢隻香米廣告既幕後工作，今次身兼主角同導演，田雞話酬勞居然有七位數字，咁好搵，梗要封番封大利是俾肥仔聰同小龍，分甘同味啦！
新城娛樂~~
--
你快點回火星吧,地球是很危險的!!!
--
▌ ▁▌ ▌▁ ▌|情報員標號: 210.61.189.77 |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣