周星馳挺身勸交
攝影師爭靚位碰撞起衝突
周星馳昨日出席一個電腦遊戲宣傳活動時，竟然做起和事老，為兩位因要
爭位拍攝他而起衝突的電視台攝影師調停爭執。
事緣當星仔在台上讓記者拍照時，台下兩位不同電視台的攝影師，因爭有
利位置而有所碰撞，被撞的攝影師因不甘被另一電視台的攝影師連番撞其
頭部，最後不理現場環境的疾聲責罵對方。正在台上的星仔見狀，即在大
家拍照完畢之際挺身下台做和事老，在工作人員開路下走到兩位攝影師跟
前說道：「由佢啦，由佢啦，飲杯茶先啦！」兩位攝影師即時知機俾面星
仔停止爭拗。據記者所見，兩人其實甚具專業精神，一見星仔落台為他倆
調停，即說時遲那時快的放下私人恩怨各自開機拍攝星仔，一於無執輸。
唔嬲杜琪峰
此外，星仔被問到日前杜琪峰指《少林足球》在劇本和導演好之下，其實
星仔的演出起不了大作用，任誰演也可以，星仔聞言後鬼馬的說：「係咪
呀？咁都俾佢睇到？其實阿杜都講得o岩，佢好直接，好坦白，私底下我間
中都有同佢傾偈，我完全同意佢講法。有時一套戲有好劇本同導演，邊個
演員做都一樣。我嬲唔嬲佢？點會呀？」
亞視曾透露在稍後的慈善「百萬富翁」中，有意邀星仔和趙薇情侶檔演出
作嘉賓？星仔說正在聯絡中，而自己也試過在家中玩「百萬富翁」，答中
率試過可達得六位數字的獎金的程度，但也試過一毫子也贏唔到。記者並
問他可有興趣玩下鄭裕玲的「一筆OUT消」，但嘟嘟聲明蠢人唔好上其節目
，星仔聞言即謂：「咁我點去呀，大佬，咁即係趕絕我 ！」
至於有指他捐一百萬給少林寺，星仔謂沒有這回事，但若對中國武術有所
幫助的定義不容辭。
【2001/8/4 東方日報】
--
☆★星星幫--喜劇之王周星馳★☆
http://home.pchome.com.tw/movie/singchiworld/index.htm
http://www.geocities.com/singchiworld/
★☆星星幫密報☆★
http://maillist.to/singchiworld
--
▌ ▁▌ ▌▁ ▌|情報員標號: swtp128-245.adsl.seed.net.tw |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣