節錄自 壹本便利 [波王專欄]
田雞[[email protected]]
尋日同小龍、肥仔聰一齊拍廣告，呢條片係由小弟自導自演，幾經辛苦卒之度到期
拍完，大家咪以為淨係我一個人忙，其實肥仔聰呢期拍緊劉德華部聖誕片《愛君如
夢》，同埋李嘉欣套《豐胸奇緣》，重要寫《少林足球漫畫》故事，一直未停過。
小龍就有好多戲搵佢都推o左，事關星爺睇得好緊，有錢都唔俾佢賺，驚佢未紅先驕
，學壞晒。經過一輪挑選，星爺終於搵到o岩小龍拍o既戲，套戲暫定叫《美麗傳說》
，大家咪誤會，同電視台o個套完全唔同，因為呢套電影係民初殭屍片。小龍擔正做
主角，我o地幾師兄弟o係咁忙之下拍廣告，因為酬勞可觀同埋內容有教育意義（好
似《少林足球》咁），好快有得睇，希望大家俾下意見，好就讚多兩句，唔好就鬧
少兩句。其實有好多讀者唔係好清楚我有乜專長，淨係知有周星馳o既場合就見到田
雞，唔知重以為我係跟班添，查實我o係電影圈裡面大部分o既崗位都做過，專長創
作同製作，最差就係唔識做人（田雞又點會做到人oㄚ!），但係我有一顆堅定的心
，雖然未紅過，但係就好開心，因為見到觀眾開心，我就快樂，俗語話知足常樂嘛。
最近我o地幾師兄弟最hit o既話題當然係世盃啦，我自己今屆勁愛阿根廷，點解？
個個都咁勁，唔捧點得呀，至於我老闆星爺就勁？巴西，佢話輸o左乜都得，而小龍
就有名你叫，一顆熱愛祖國的心梗捧中國，肥仔聰同大師兄飛哥就死硬派捧英格蘭
，佢話今屆一定會砌低阿根廷，睇下點，睇怕今屆我o地幾師兄弟有怕拗，甚至
可能要大打出手。
--
★ ★ ★ ★ ★ ☆ ☆ ☆ ☆ ☆ 我 愛 星 爺 ☆ ☆ ☆ ☆ ☆ ★ ★ ★ ★ ★
--
▌ ▁▌ ▌▁ ▌|情報員標號: swks81-154.adsl.seed.net.tw |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣