乘著《少林足球》氣勢，除星爺被邀拍牙膏廣告，連三師兄田雞亦接拍金象香米廣告
，一班師兄弟可謂豬籠入水。
周星馳近日接拍內地牙膏「朗晨氏」廣告，星爺親自落場任男主角，他的公司星輝負
責拍攝。星爺以《少》片的五師弟形象出現，還配以特技大踢足球。
「自己棚牙唔靚 」
廣告日前在內地番禺一個名叫大石，背景像羅馬鬥獸場的「爛尾」商場取景拍攝，星
爺親身上陣吊威牙踢足球，導演起初想找替身做一些跳上跳落的難度動作，但最後仍
要由星爺親身上陣，才能將動作順利完成，其身手連在場的替身，都感自愧不如。
首次拍牙膏廣告的星爺日前說：「雖然覺得自己棚牙唔係好靚，但既然有機會咪試o下
囉，酬勞就係相宜價啦！我o係內地接拍廣告，一來係自己公司製作，二來我o地都想
藉住呢個機會發掘o的新人，或者幫助我o地旗下新人好似李卉、陳國坤有多o的演出
機會。」
魚網絲襪蒙頭
至於星爺在《少》片的三師兄田雞（田啟文），早前也被金象香米睇中，邀他執導及
主演新一輯廣告，田雞更不忘帶挈兩位師弟，包括四師弟小龍陳國坤及六師弟「輕功
水上飄」肥仔聰齊齊演出。廣告內三名大賊田雞、陳國坤和肥仔聰潛入屋偷竊，屋主
只顧吃飯懵然不知，而三大賊用魚網絲襪蒙頭非常搞笑。
今次身兼導演及主角的田雞說：「過往金象米廣告我都有參與幕後，不過今年就因《
少林足球》關係，所以佢o地搵我，今次我有七位數字酬勞都好滿意，為o左多謝兩個
師兄弟幫手，我就封o左封大利是畀佢o地 ！」
~ 蘋果日報 ~
--
▌ ▁▌ ▌▁ ▌|情報員標號: swks253-167.adsl.seed.net.tw |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣