繼梁家輝、舒淇、ＬＭＦ之後，啤酒廣告商再搞新鮮觀點，配合世界盃既來臨，重金禮
聘周星馳、田雞、小龍同肥仔聰，合演最新一輯廣告，請到星爺出山，製作費冇得慳，
成個廣告ｂｕｄｇｅｔ高達八千萬，香港今晚先行首播，遲ｄ再進軍全中國。
呢個廣告創作時間接近一個月，實際拍攝只係用左兩日，廣告裏面，星爺會以打呔西裝
ｌｏｏｋ出現，同幾位師兄弟大談網上識女仔，一傾之下，原來大家各有煞食花名吸引
異性，好似「純情小鴨鴨」之類，正當酒酣耳熱之際，身高六呎既江蘇模特兒蔣怡出現
，雖然高下立見，不過神魂顛倒既星爺，依然上前高攀靚女，以一式反手姿勢打開啤酒
樽，情挑高妹，結局係點呢？今晚廣告首播就有揭曉！
星爺話，呢次合作感覺好新鮮，製作過程之中，佢亦有參與創作部份，問到酬金係咪好
吸引呀？星爺即刻耍太極話，唔好講錢啦，廣告費佢收得好平咋！
新城娛樂~
--
你快點回火星吧,地球是很危險的!!!
--
▌ ▁▌ ▌▁ ▌|情報員標號: 210.61.189.78 |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣