周星馳位於尖沙嘴山林道的「星輝電影製作公司」，面積只有1千呎，內裏裝修頗為
簡陋。據知星爺一向神出鬼沒，每逢構思新戲題材才現身，平日只有田雞（田啟文）
、六師弟（林子聰）和數位員工在此鎮守。
日前，記者直搗星爺這個私竇，竟有兩大驚人發現。原來張柏芝車禍後寄了一張自製
心意卡給星爺，星爺更將此卡放在書檯當眼處。而CD架上更發現一隻璩美鳳四級春宮
碟，睇o黎佢都幾關心時事o番！
圖說1:記者踏入「星輝」，只見五位員工，周圍貼滿《少林足球》和《喜劇之王》的
海報。
圖說2:張柏芝拍《喜劇之王》曾與星爺傳緋聞，她撞車後，星爺主動到醫院探望，事
後柏芝送了一張卡向他道謝，不過唔知係咪柏芝懶得寫字，連署名都用原子印
，認真行貨！助手田雞說：「張卡係星爺探完柏芝幾日後寄o黎o既！」
圖說3:係人都知星爺賺唔少，不過原來佢為人慳儉，辦公室的DVD機都係大陸貨，1千
蚊都唔使。
圖說4:星爺百無聊賴時，鍾意畫公仔打發時間，仲畫埋自畫像，署名「Mr. Stephen
Chow 」，不過公仔個樣都幾嚇人！
圖說5:最近星爺開始度新橋，在白版上寫滿演員對白。最搞笑係星爺呢幾句對白，似
乎暗示自己o既感情生活，而最後一句「兩人從此到白頭」，看出他對愛情o既
睇法。
圖說6:田雞說：「星爺好鬼姿整，開會只係對住塊大鏡，有時仲拿埋風筒，一邊開會
，一邊吹頭。」田雞與六師弟還即場示範平日開會情況。
圖說7:星爺o係辦公室會叫外賣，所以這個「飯桶」塞滿茶餐廳的外賣紙，田雞說：
其實《喜劇之王》星爺扮外賣仔o個幕，都靠個飯桶o既靈感咋!
圖說8:星爺辦公室有不少雜物，田雞和六師弟亦睇唔過眼，話要大掃除喎，點知話口
未完，佢o地已舉起地拖和雞毛掃玩到癲。年廿八洗邋遢，咪又係得個講字！
~ 節錄自忽然一周‧有料到 第341期 ~
--
★ ★ ★ ★ ★ ☆ ☆ ☆ ☆ ☆ 我 愛 星 爺 ☆ ☆ ☆ ☆ ☆ ★ ★ ★ ★ ★
--
▌ ▁▌ ▌▁ ▌|情報員標號: sw59-210-117.adsl.seed.net.tw |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣