前晚，出席過金像獎大會既慶功之後，星爺先到左金鐘一間酒店，佢同記者講，話約人響
果度食宵夜，大班記者死等爛等，點知呢位整古專家一個屈尾十，就響後門鬆人，飛的士
去到銅鑼灣一間卡拉ｏｋ，會合趙薇同《少林足球》成班師兄弟，齊齊慶功。
消息透露，響卡拉ｏｋ房內，眾人情緒非常高漲，個個都為星爺得獎而興奮，係咁灌星爺
飲酒，但星爺睬你都傻，飲得少，唱歌仲少，反而趙薇好ｈｉｇｈ，爭住唱周杰倫金曲；
玩到凌晨三點幾，助手走出黎同記者講，要拎車去接星爺，點知又再一次玩野，星爺又係
搭的士離開，採訪車二仔底死跟，架的士去到半山，大家以為星爺返屋企啦，點知架車一
個Ｕ－Ｔｕｒｎ落番山，後黎遇上警察設置既路障，星爺同警察講左幾句野之後，班記者
就眼白白睇住星爺架的士絕塵而去，所有採訪車俾警察截晒。
星爺去唱Ｋ，寰宇既林小明夫婦，就約左自己班手足去食日本野，再去唱Ｋ直落，林太話
，到而家都未掂過個獎，不過獎座只係物質，最緊要係人地內心既誠意喎！
新城娛樂~
--
▌ ▁▌ ▌▁ ▌|情報員標號: dial803-tc.hitron.net |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣