昨晚宣布《少林足球》係最佳電影既時候，出現一個幾特別既場面，周星馳同《少林足
球》既老闆娘林小明太太分別上台，林太致謝辭既時候，一句都冇多謝星爺，臨尾仲要
加句「公道自在人心，正義長存」添！
之所以出現昨晚咁戲劇性既場面，相信係星爺同林小明為《少林足球》既利益互發律師
信，隨時鬧上法庭果單野，何解林小明自己唔上台，要派老婆代領獎座呢？星爺一世英
名，都俾呢條問題考起，佢咿咿哦哦咁答，同林小明果邊各自上台，並冇任何問題！
有人仲一再挑戰星爺既量度，慌死佢唔發脾氣，再問星爺，會唔會同林小明一齊搞慶功
喎！星爺避重就輕答，總之有份參與《少林足球》既工作人員，星爺都會同大家慶功喎！
新城娛樂~
--
▌ ▁▌ ▌▁ ▌|情報員標號: dial803-tc.hitron.net |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣