周星馳探訪病童承諾盡快拍《少林足球續集》
之前《少林足球》上畫果陣，周星馳特別ｂｏｏｋ左成間戲院，俾一班患癌既病
童開心下，千祈唔好話星爺借小朋友借宣傳，新年冇戲上畫，星爺一樣咁關心小
朋友，昨日佢就再去瑪麗醫院探訪患左血癌既小朋友，逗留左足足兩個鐘！
星爺帶左一大堆利市，仲有瓜子、花生同開心果呢ｄ賀年食品，除左大派利市之
外，星爺仲同班小朋友玩釣魚機、電腦，知道星爺大駕光臨，有小朋友即場表演
彈結他同拉小提琴；星爺話，每一次見到班小朋友都好開心，好多人以為佢黎探
訪，搞到班小朋友好開心，其實係掉轉，班小朋友令佢開心至真！星爺話，見到
呢班小朋友，令佢有好多領會，覺得自己好幸福，起碼身體健康，有手有腳，所
以，佢會盡力幫班小朋友，盡量令佢地開心！
本住呢個原則，星爺聽到班小朋友話鍾意睇《少林足球》，星爺話，希望快ｄ拍
成《少林足球續集》，與眾同樂！
08/02/2002 12:44 PM
from 新城娛樂
--
你快點回火星吧,地球是很危險的!!!
--
▌ ▁▌ ▌▁ ▌|情報員標號: 61-217-33-66.HINET-IP.hinet.net |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣