周星馳既《少林足球》狂收六千萬，成為港產片賣座之冠，但隨之而來就係一堆蘇州
屎，星爺所屬既星輝海外前日入稟高院，控告寰宇扣起《少林足球》賣埠所得超過七
百萬收益，要求寰宇連本帶息即時歸還！
星輝海外響起訴狀指出，２０００年８月同寰宇簽署合約，兩間公司合作拍攝同發行
《少林足球》，並同時訂立分紅方法，今年二月，買下美國版權既Ｍｉｒａｍａｘ公
司，將一百五十萬美金存入寰宇戶口，星輝話根據分紅協議，可以分得大約九十二萬
美金，但經多次追討．寰宇仲未分錢，而家星輝海外正式要求法庭下令寰宇交還款項！
兩間公司既發言人都話，因為事件涉及法律問題，暫時唔會回應，交由律師處理，唔
排除有朝一日，真係會響法庭相見！
新城娛樂~
--
▌ ▁▌ ▌▁ ▌|情報員標號: dial792-tc.hitron.net |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣