第七屆金紫荊電影頒獎典禮已經告一段落，各大獎項亦已名花有主，除左大會既官方慶
功宴之外，幾位贏家，周星馳、胡軍、何超儀各自同老友擦番餐，齊齊高興下，其中就
以最佳男主角胡軍食得最富貴，一行十幾人，包括《藍宇》既小師弟劉燁，一齊去佐敦
一間海鮮酒家食飯，佢地點左椒鹽瀨尿蝦、椒鹽白飯魚、清蒸大蘇眉、乳鴿、咕嚕肉、
蒸肉餅等等，埋單食左成四千幾蚊！
最佳女配角何超儀過左銅鑼灣一間台灣料理，男友陳子聰同死黨吳彥祖、馮德倫、徐濠
縈早已恭候超儀，成檯擺滿明爐鱈魚、鹹菜豬肚湯、炒Ａ菜、肉鬆豆腐、滷肉同白灼蝦
等，唔算係乜野大魚大肉，千零蚊而已，仲有名人何柱國幫超儀埋單添！
但講到最慳家既，反而係大贏家周星馳，出爐最佳導演星爺會合田雞谷德昭，同胡軍一
樣都係去佐敦，但星爺揀左一間老牌西餐廳，隨便叫左焗石斑飯、蟹肉意粉、燒乳鴿同
烚椰菜，五百蚊就可以落樓啦！
新城娛樂~
--
你快點回火星吧,地球是很危險的!!!
--
※ 發信站: 批踢踢實業坊(ptt.cc)
◆ From: 210.61.189.77