娛樂波霸
少林足球衝出亞洲
各位《波王之王》o既讀者，新年快樂，新年新開始，祝各位讀者朋友自強不息，
再創高峰。o岩o岩元旦o係廣州返香港，後日4號去北京拍攝新一輯o既廣告，然後
去哈爾濱同大連學術交流，要到11號先返香港，跟住開始人生o既另一次挑戰，做
主持！
今次會係新城港台同李德能主持一個電台節目，由於好多資料重未決定，所以下期
再詳細同大家講，至於節目內容，梗係同波（即係足球）有關，有留意開《波王之
王》o既讀者，有時間打電話俾我指教下。近排睇波o既時間比較少，所以貼波唔係
好醒，o黎緊我會爭取多o的時間睇波，咪令支持我o既讀者失望。《少林足球》將
會4月份o係美國公映，到時肯定好唔得閒，事關美國公映呢部戲o既期望好大，所以
會大做宣傳，而我最關心o既日本同韓國將會5月份（暫定）公映，我o的成班師兄弟
都希望借呢個機會入場睇埋世界盃，日本發行公司方面對《少林足球》o既宣傳工作
已經準備開始，我o地好希望能夠再創高峰。韓國方面重o係度排緊期，星爺同我都
好希望能夠o係中國對巴西o既世盃濟州賽事趕得切上映，咁就可以用《少林足球》
o黎支持中國隊，雖然賽果係點，大家心裡有數，但係能夠睇到星爺o既至愛足球隊
對中國隊，呢o的場面唔係咁容易見到，所以求神拜佛都希望韓國趕得切放映，我就
可以一睹現場感受，波迷最高境界，莫過於此。
田雞[efsuperstar@sinaman.com]
............................................................................
節錄自 2002.01.02【一本便利 第519期】
--
▌ ▁▌ ▌▁ ▌|情報員標號: 61-220-145-43.HINET-IP.hinet.net |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣