仲記得舊年八月，《一筆ｏｕｔ消》首播，《百萬富翁》為左打仗，打正慈善旗號，請
左星爺一大班少林足球師兄弟，前後腳硬撼嘟嘟姐，結果兩集計算落黎，星爺贏出漂亮
一仗，最高收視達三十四點；最近，亞視斬多四襾，將呢個節目版權賣左俾人，製成
ＶＣＤ出售圖利，明明話係慈善節目，而家亞視拎黎賺錢，仲唔係借星爺過橋發達？
星爺既親密戰友田雞接受訪問時，對亞視推出呢張ＶＣＤ毫不知情，田雞話，當日佢地
上呢個節目，話明係用「睇真Ｄ慈善基金」名義籌款，如果出ＶＣＤ，收益捐去做慈善
，當然冇問題啦，但若然係牟利既話，就要去了解一下啦！
於是記者走去向亞視了解，宣傳部總監黎文卓話，電視畫面向來屬於電視台，可以賣去
世界各地，通常合約都會寫明，可能係星爺果邊睇漏左；田雞聽到黎文卓咁講，無奈咁
話，亞視咁做佢地都冇辦法，只不過應該事前通知一聲而已！
新城娛樂~
--
▌ ▁▌ ▌▁ ▌|情報員標號: dial1319-tc.hitron.net |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣