作者XD9527 ( ̄ー ̄;)
看板Stephen
標題[新聞] 星爺認老急搵接班人
時間Mon May 17 23:04:26 2010
正籌備拍攝《喜劇之王2》的周星馳,最近積極於各地物色新演員,說到《喜》片第一集
的女主角張栢芝,星爺坦言欲找對方客串一角,並爆當年仍是新人的栢芝教了他不少:「
佢教我好多嘢,仲叫我鎮定啲唔好驚!」
星爺昨日到廣州出席「《喜劇之王2》星呢選秀大賽」,更被司儀以「喜劇之王教父」來
介紹出場,即席敲響銅鑼寓意比賽正式啟動。說到是次的選秀比賽,星爺直言希望可從中
找到《喜》片的主角:「希望可以搵到啲有創意嘅人,一定要有喜劇感,十幾年前喺香港
都搵到,內地咁大咁多人才點會冇?」
費神憶往事曾提拔不少新人的星爺,表示每次跟新人拍戲都學到新事物,而當記者問到他
十年前跟張栢芝拍攝時的感覺,他想了良久說:「依家年紀大,齣戲係十年前嘅事,我印
象中佢係個好有天分,好多嘢都唔係我教佢,反而係佢教番我,呢啲(指演戲天分)係天
生嘅,佢仲叫我鎮定啲唔好緊張。」星爺除了即席恭喜栢芝再誕BB外,他又坦言希望可
找對方客串新戲:「我梗係想啦!不過佢依家咁忙,未必肯架喇!」
星爺在兩位美女陪伴下出場。
當年張栢芝拍《喜劇之王》一炮至紅。
星爺積極搵搞笑演員。
用內地導演現時已轉攻幕後的星爺,問到他可會考慮再當主角?他斬釘截鐵表示:「唔需
要,我依家係搵人才,如果搵到人才根本唔需要我,亦唔擔心市場會接受唔到新人。(你
會客串?)都唔會,我鍾意做幕後,留番畀啲新人發揮啦!」說到他的幕後班底已各散東
西,星爺則表示由於《喜》片會於內地取景,故班底起用內地的編劇及導演:「齣戲會喺
年底或明年初開拍,幕後已經定咗,遲啲公布,當然都會搵田雞等客串。(同小瀋陽有合
作?)依家傾緊。」
東方日報 呂詠雯 廣州直擊
http://orientaldaily.on.cc/cnt/entertainment/20100516/00282_016.html
--
※ 發信站: 批踢踢實業坊(ptt.cc)
◆ From: 123.204.72.135