田雞，田啟文，小時候因為窮，經常玩捉田雞。
當日用六蚊買來一隻田雞，給田啟文作伴。這隻田雞在田啟文面前果然無所遁形，逃走
了三次，但兩下手勢便被田啟文捉回。
田啟文除了捉田雞叻，還叻在可以一直做星爺背後的男人。更叻的是，這些年來都沒有傳
過不和。
直至最近，才傳出二人各走各路，連早前田雞擺喜酒星爺有沒有到賀俾人情，都成為外
間揣測的根據。
「周星馳公司拍戲數量不多，所以他沒有限制我去其他公司幫手，只要發揮到就可以
做，現時我都有跟谷德昭、Ba叔（陳達志）和Paco（黃柏高）合作。」
留意，田啟文是稱呼高高在上的星爺做「周星馳」，頂多都是在最初講了一句「周生」。
或許，周星馳其實很通情達理，實情只如田雞所說，是大家一直誤解他。
又或許，只是田啟文特別懂得遷就他，知道怎樣活在對方光芒下。
細蚊仔捉田雞的方法，每每趁天黑黑用電筒把牠照出來。原因是，牠可以活在黑媽媽的
環境，卻天生愛追逐光芒。
田雞的真名叫田啟文，他覺得叫「阿文」的人太多，街上一個招牌跌下來，可以壓死幾
十個，所以他入行時，想改一個觀眾易記得的名，由於姓田的多數給人叫「田雞」，否
則就是「填鴨」或「田七」，結果他選了「田雞」。於是，「田雞」這個名字，一叫就
叫了二十五年。
發夢
13歲的田雞，看完一部電影後就發了很多個夢，在夢裏他見過很多人和事物，當時他都
覺得很奇怪，自己根本就不認識他們。後來他接觸到電影，夢裏見到的景物竟然全出現
在眼前，他終於恍然大悟，拍戲就是他的職業，甚至可能是終生職業。
以前屋企好窮，媽咪做酒樓，爸爸則在洗衣鋪做熨衫工人，兩個人夾埋賺得幾百蚊一個
月，但要養一家七口，那時候窮得我讀中學時，每日只得一蚊，食飯車錢都計埋，為了
慳錢，我寧願行路，然後沿途就留意附近有沒有可以搵錢的東西，好似執紙皮、電線或
銅去賣。
可惜，這樣搵錢並不長久，加上我是大仔，所以到中二時我便輟學，出來社會工作，我
試過做小販、餐廳，多數都是跟飲食有關，因為當時覺得自己窮，最緊要是食飽先，最
後我去做點心師傳。
我對拍戲的興趣一直沒有減退，只是沒有機會，所以我一有時間便會跟客人談天說地，
希望偶然會遇上影視圈的人，然後我會在他們面前扮鬼扮馬，吸引他們注意。終於等到
機會來了，有個同事問我有冇興趣做茄喱啡，做一個侍應生，跟女主角做一場對手戲。
我記得第一次兼第一日拍戲，便要講三頁紙對白，其實當初對方並不是找我演出這個角
色，但因為我頂撞過副導演，於是他想我出錯，俾導演鬧，結果誤打誤撞，竟然令導演
對我刮目相看，導演還問我：「有冇興趣再拍戲？」那時我剛剛18歲，一入行便做麗的
電視。
我由一個很穩定的環境突然間去到另一個完全冇保障的環境，那時真是我人生的轉捩
點，因為屋企等住我養，等住我錢返去，所以屋企人很反對我入娛樂圈，但我覺得自
己年輕，要有夢想才行，更不可以安於現狀，我跟屋企人講，給我兩年時間，得咪得
囉，唔得的話，兩年之後應該仲有人食№，只要有人食№，必定需要點心師傅。
為了證明我做得到，及爭取屋企人認同，當時我廿四小時「棟」在電視台裏，任何機會都
去學。做了三個月茄喱啡，我發現理想和現實是兩回事。我開始轉做幕後，化妝、道
具、攝影，甚至燈光。當時收入都幾可觀，我臨走時比一個senior導演人工還要double
多，大約有四千蚊，後來因為轉為亞洲電視，要改制，不准做咁多№，人工少了很多，
所以我冇再做。
星爺
離開電視台後，田雞繼續拍電視劇和電影，當時他做得最好的角色，不是傻仔就是白痴
仔，但他很自豪講句：「那個年代沒有人不認識我。」不過那時候並不是他最「輝煌」
的時候，直至他轉型去拍喜劇，遇上周星馳，才知道喜劇的奧妙。加上星爺又給他很多
發揮空間，大家志趣相投，所以在96年正式加入星爺的「星輝公司」，做打雜。
我跟周星馳一直合作無間，當年他要成立自己的公司，即時問我：「喂，一齊去做№
呀！」咁我咪話：「好呀！咪一齊去囉！」
我當時由「永盛」過檔「星輝」，確實減了好多人工，但在周星馳身邊，沒有想過去搵錢
，只是想去做自己覺得開心的事，聯手去搵外人錢，於是一直做，做到現在。
我是周星馳的經理人、左右手，還是黃金拍檔？其實都是一句，我在他身邊，只是協助
他做好件事，可能我跟傳媒關係好少少，大家打電話俾我電話又會通，問親我，我起碼
都會客客氣氣去答，而且有個答案，所以其他人咪會多鰦搵我，久而久之，咪做埋黃金
拍檔、左右手。
我點會是周星馳的經理人？他是我經埋人就差唔多。不過話時話，叫我做他經理人都
飱，因為我是負責管理演員，而他亦是公司的演員之一，都可說冇錯。
在我心目中，在製作和創作上，周星馳是一個藝術家，因為他要求完美；作為一個老
闆，他肯自己錢去拍，好難得，因為我在外面接觸咁多人，冇一個人肯咁做。作為朋
友，其實他都是一個普通人，有時都幾孤獨，因為冇乜人理解他，同埋冇乜人站在他的
立場去想，始終他去到一個三角的尖頂，梗係孤獨鱓。
對某些人來說，他都幾難相處，始終每個人的性格都有先天性，而周星馳不太鍾意表達
自己，因為他不是天才，他都需要時間與人溝通，佢份人好慢，所以俾人好多誤解，漸
漸形成難合作的感覺，但我不覺得。只要我們平時盡量不去講公事，盡量講吃喝玩樂，
這樣就會開心。至於我跟他基本上沒有拗撬，因為只有他拗我，我都冇得撬他。
很多人認為我活在一個人的影子下面，但我覺得沒甚麼好介意，因為我倆是各施其職，
even我今日離開周星馳，跟任何一個人合作都好，我們一樣都要各施其職，因為每做一
件事，都會有人要行前鱓，有些要做幕後，而我又不喜歡走去前面爭功，總之盡了力就
算，所以大家點講點睇，最緊要是我睇自己舒唔舒服。況且我都唔係諗住成世打佢工，
我有信心唔跟佢，還有很多發展空間，因為合久必分，沒有擔保。娶了老婆，都唔擔保
你唔離婚。
新婚
田雞其貌不揚，但他曾拍過五次拖，亦跟女友同居過六年之久，最後還是跟拍拖只有兩
年多的Alice結婚。原來今年43歲的田雞，曾被睇相佬狠批「子晚妻遲」，即使早婚都會
離婚。當初他也想打破宿命，不過三歲定八十，不可不信邪。
認識太太Alice，是做廣告工作時認識，當時大家都冇№，但緣份真的話唔埋，突然間，
我們傾下偈就……當初太太覺得我是色狼，她覺得做娛樂圈的都是壞份子，緋聞又多，
但我告訴她：「我個樣點會有女鍾意，妳有冇聽過我有女？」佢覺得都係喎！結果她由
最初覺得我不是好人，逐漸對我改觀，後來更認為我是一個好人。
而我，因為覺得她是一個事業型女性，又好鍾意做№，跟我一樣，對事業的要求都好
高，開始互相分享經驗，分分纒，大家連感情部分都一齊分享埋，彼此都有感覺。好彩
追求她都算容易，當時我時常嘲笑她：「嘩！你又老又醜又巢皮。」她當然心有不甘
：「你咁樣話我中傷我，我要俾你發掘我鮋內在美。」
我不斷中傷，而她又不斷抗辯，之後惺惺相惜，就這樣開始了。
有一次，我跟她說：「你年紀都唔細，不如結婚囉！」她居然答應，何其簡單，我又一
路唔買花唔鱝佢，她又肯嫁俾我，因為我是用真誠感動她。
至於喜歡她的原因，是因為她家教好，讀得書多，是大學生，有時我會覺得自己讀書
少，所以都應該跟大學生學習一下。
結婚差不多半年，新婚生活真的很愉快，不過我覺得自己好對唔住老婆，因為太多時間做
№，冇乜時間與她談談我們的將來，譬如搬唔搬屋，要唔要有小朋友，都未得閒傾，不
過隨緣吧，因為有些事計算得太多不是幾好，有咪有囉！
犧牲
價值六蚊的田雞在拍攝過程中，幫了很大的忙，但幫得手還幫得手，最終亦難逃一死。
攝影師建議把牠放生，田啟文卻說：「放牠又係俾其他人捉去食，帶走佢喇！」言下之
意，與其益其他人，不如益自己友。
不敢說一旦沒有田啟文，星爺就拍不成《少林足球》和《功夫》，但應該會失色不少。
許這正是田啟文的真正價值—不介意成就別人。
那隻田雞，因為肥美肉厚，最終亦成為攝影師的豐富晚餐。
三週刊269期
http://myurl.com.tw/fjco
http://myurl.com.tw/n5be
http://myurl.com.tw/0fkm
http://myurl.com.tw/phad
--
※ 發信站: 批踢踢實業坊(ptt.cc)
◆ From: 218.162.97.60