誰是封面人物？TWINS 囉！
誰是訪問 TWINS 的最佳人選，你囉！你都是 TWINS 來嘛！
TWINS 訪問 TWINS，咪最 PERFECT 囉！
訪問內容其實沒有刻意圍繞 TWINS 這個話題上，所以我沒有跟阿 SA 阿嬌說我也是 TWINS，好像沒有這個必要。
找 TWINS 來表達 LOVE & HATE 這個主題是我們的對愛與恨的一點體會。
愛與恨其實是一個錢幣的公與字，照道理我們理應愛恨分明。把硬幣擲上半空，掉落掌心，是公是字，是愛是恨，自己最清楚。未愛過，我們不會恨。未恨過，我們不懂愛。你是敢愛敢恨，還是既愛且恨？愛得愈深，恨得愈深，痛得也愈深。何必要自掘墳墓，自討苦吃？不如重頭再愛一次，重頭再恨一次，便明白愛和恨是電源的正負兩極，誰也不能沒有誰。
對，有愛便會有恨。愛與恨不就是感情上一種密不可分的 TWINS 關係嗎？
每件事情都有兩面，愛與恨就是一段感情的正負兩極，寧愛莫恨，但能夠拍心口說「我做得到」的又有多少人？要愛便愛，要恨便恨，以一顆平常心面對是厚待自己的方法。
TWINS EXCHANGE
阿SA
CM：「邊個靚 D？貪唔貪靚？」
SA:「梗係阿嬌啦！講靚，成個圈佢肯定入三甲，她的五官輪廓真係好靚。我從來唔覺自己靚，靚不是單靠外表的，還要看性格和心地，靚是由內而外滲出來的。我覺得自己最靚個樣是同四歲若瑟狗 BABY 一齊玩的時候，我會同佢一齊照鏡。我唔算超級貪靚，我鍾意有型多過靚，其實我地兩個都唔算好貪靚。」
CM：「談談對方性格。」
SA：「我個人好易捉摸，佢就好難，有一種說不出的神秘感。她比較慢熱，給人的第一感覺很難相處。但相處久了，熟絡了，阿嬌會是一個很知心的朋友。我是女版 EASON，不可以不說話，鍾意同人溝通。如果兩個人都愛說話，便一定會吵架。咁就唔得啦！」
CM：「知不知道她的擇偶條件？」
SA：「佢鍾意男仔大過佢，成熟，最好可以從對方身上學習。個男仔一定要錫佢，細心，合眼緣，個樣唔可以太污 WHERE。我自己呢？倒沒有太大所謂。我是講感覺的，感覺鍾意佢便是鍾意。他不需要好靚仔，最好要個人搞笑，同佢一齊會好開心的。一句講晒，鍾意就鍾意。」
CM：「十年後的阿嬌是怎樣的？」
SA：「佢應該是結了婚，有老公錫，有好多 BB。我會同佢地玩囉。我自己？咪同媽咪一樣樣囉，我覺得媽咪好靚，靚過我自己好多......。」
CM：「知不知道對方的口味？」
SA：「好難估佢的喜好，上期好似係蛋糕甜品，呢期已經轉了。我不喜歡甜品，最愛吃飯。」
阿嬌
CM：「邊個靚 D？貪唔貪靚？」
嬌：「我貪靚，鍾意扮靚，入行後好似『求其』左，做 SHOW 先扮靚。靚的定義是自然、順眼，同埋精神。最想瘦，唔想生粒粒，想皮膚好囉。我覺得自己睡覺個樣最靚，因為睇唔到自己。」
CM：「談談對方性格。」
嬌：「佢同人人都可以做朋友，什麼都愛講餐飽，個人鍾意玩，有好多朋友。我同佢剛剛相反，不會主動跟人打開話匣子，說話不多，要時間適應同觀察，我自己的性格偏向是保護自己的，最弊連對 FANS 都係。水瓶座嘛！個人飄忽，忽冷忽熱。可能受了阿SA感染，自己笑多了，說話多了，個人開朗了，溝通改善了。」
CM：「知不知道她的擇偶條件？」
嬌：「佢要個男仔得意、好笑就得，其他沒有所謂。我的擇偶條件就好多，他不可以比我矮，要五觀端正，順眼有禮貌，唔污 WHERE，有學識，思想成熟，說話有 POINT，脾氣好，容忍到我。愛一個人會為他而改變，心情隨他而變化。」
CM：「十年後的阿 SA 是怎樣的？」
嬌：「佢？咪同佢媽咪一樣樣囉！唔，我諗我會女人 D，會穿高跟鞋，應該結了婚卦，唔係呢行，可能會開舖頭，又或者會讀緊書，去其他地方生活都唔定。」
CM：「知不知道對方的口味？」
嬌：「她最鍾意食飯，基本上什麼都吃，最好不要太濃味。我因為前陣子膽固醇過高，於是戒了牛戒豬戒蝦，只吃魚和菜。其實我吃什麼都沒所謂。」
後記：
經常看到關於阿 SA 阿嬌不和的消息，以我作為 TWINS 的角度看，即使真正的 TWINS 都會有爭拗、互不咬弦的時候啦，更何況她們只是一對工作上的 TWINS 呢？始料不及的是，原來二人對拍檔的了解程度已令彼此間不自覺地流露一種密契。
--
╔═══╮╭═══╮╔═╗╔╗╔═══╗
║ ║║ ╭╮║║ ╚╯╝╚═╗╔╝
║ ║║║║ ╰╯║║ ╔╮╗╔═╝╚╗
╚═╝╝╝╚═══╯╚═╝╚╝╚═══╝
--
※ 發信站: 批踢踢實業坊(ptt.csie.ntu.edu.tw)
◆ From: 211.75.239.193