祖兒千嬅做阿姐鬥推莊(新報)
「第二十八屆十大中文金曲」記者會昨日舉行，容祖兒（Joey）、楊千嬅、李克勤、
陳奕迅、Twins、古巨基、草蜢、何韻詩、方力申、鄭中基（Ronald）、鄭希怡、李逸朗
、蔣雅文及薛凱琪等均有出席，記者會笑料百出，頒獎禮更慘變派獎禮，歌手聽到笑淫淫
，而緋聞男女則大玩心有靈犀，另一邊廂卻又互相笑罵。
【本報記者綜合報道】記者會開首，港台台長戴健文和保良局副主席孟顧迪安主持揭
幕，保良局副主席數度把頒獎禮讀成「港台『派』獎禮」，台上歌手聞言亦忍不住喪笑，
克勤更一度要豎起手指示意千嬅細聲一點。為配合大會主題，全場嘉賓即場跟覑音樂治療
師，邊聽《無賴》邊做敲擊動作，主唱的鄭中基更被邀站在台中帶領歌手，不過鄭中基卻
不肯做動作，站在身後的千嬅卻笑到彎覑腰十分誇張，Ronald擰轉面鬧千嬅「咪嘈」，認
真大膽﹗
而Kenny在台上一度口快快叫「千嬅姐」，千嬅升級做阿姐，全場歌手即起哄嘩然。
事後Kenny一見千嬅即道歉，千嬅更主動跪拜Kenny，搞到Kenny滿面通紅，二人更五體投
地互拜，千嬅說﹕「年紀上我受得起有多，但地位上就受唔起，我仲係細路女，Kenny哥
要射住我，姐前姐後三分險，認細為妙。」談及Ronald叫千嬅「咪嘈」，她聞言即說﹕
「一定唔係話我，佢唔會鬧得我﹗」
Joey抱恙出席，聲帶還未復原的她自嘲剛做完「加喉核」手術，Joey自評分數時給
自己八十分，她說﹕「二十分係還欠健康，永遠唔可以咁驕傲畀自己一百分。」Kenny開
口叫「千嬅姐」，問到Joey可有被稱呼做阿姐﹖她說﹕「好少，佢頭先都係心血來潮，
佢呢排做DJ講№好鬼馬抵死。」問到她要是被稱呼「阿姐」會怎樣﹖她說﹕「我會打扁
佢個頭，叫老晒﹗」記者指Joey絕對有資格做阿姐﹖她說﹕「梗係啦咁老，依家新人個
個十幾歲。」談到港台「派獎禮」笑話，問到Joey想被派甚麼獎﹖她說﹕「最佳男歌手
，同Eason爭獎，或者佢角逐女歌手，交叉角逐。」
心有靈犀一百分
另外，阿Sa和Ronald於現場大玩心有靈犀，Twins給自己評分一百分，剛巧Ronald亦
自評一百分，司儀則公開玩弄二人，Ronald和阿Sa亦顯得一臉尷尬，Ronald笑說﹕「點
解我會畀自己一百分呢﹖因為冇人會畀我，所以自己畀自己。」阿Sa對於心有靈犀即說
﹕「轊，個個都寫一百分啦，Kenny、何韻詩都係。」問到她可會給Ronald一百分﹖
阿Sa說﹕「全部歌手都畀一百分。」昨日Eason喉嚨急性水腫引致失聲，問到他之後出席
活動可會咪嘴唱歌﹖他說﹕「咪嘴就冇意思，（Joey都咪嘴。）各人有各人做法，個人
唔主張，（會否辭演﹖）睇埋呢幾日先。」談及「派獎」，當時Eason笑得十分誇張，事
後他補鑊說﹕「派發獎項鎹，哈哈哈﹗」
此外，楊千嬅前晚在廣州舉行的《2005金曲金榜頒獎禮》中，獲得「最受歡迎女歌
手獎」及「年度最佳專輯獎」，千嬅表示明年眼光會放在內地市場，推出國語大碟外更
會多到內地做宣傳工作。
--
※ 發信站: 批踢踢實業坊(ptt.cc)
◆ From: 218.160.55.44