昨日Twins的鍾欣桐（阿嬌）下頷位置貼了一塊肉色大膠布出現電台活動，初時還以
為阿嬌不小心撞傷了，大家也擔心她有破相之嫌時，阿嬌就笑笑口解釋話：「我只是生了
粒大暗瘡，因為我連續幾日拍戲，沒怎樣睡，所以谷了粒毒瘡出來，腫之餘又流膿，仲個
有大孔，我睇了醫生，醫生給了藥膏我搽，而家已經平伏番，但不可以化妝，怕影響到個
傷口，所以我用膠布貼住它。」（咁怕唔怕有疤痕呀？）在旁的蔡卓妍阿Sa立即搶答：
「唔怕，有疤痕都可以用粉遮到。」而一向貪靚的阿嬌，拍照時都有意無意間用手或用咪
遮住膠布位，同時為免令傷口再受創，阿嬌也不敢大笑，就算笑都用手按住傷口。
唔覺得似鄭秀文
有雜誌指阿Sa在電影《下一站……天后》中，不但抄襲鄭秀文《百年好合》的造型，
就連演技都是抄Sammi，阿Sa解釋說：「拍呢個造型時，《百年好合》都未上映，因為戲
中有戲，到時睇戲就知為什麼有呢個造型，我就覺得不似啦，（你介不介意被人說抄襲鄭
秀文呀？）不介意，有人講都好，其實要問鄭秀文介不介意就真，我就不會介意，話我似
鄭秀文開心都來不及啦。」
Twins同成龍錄歌
Twins因為同成龍合作拍《千機變》而有機會合唱主題曲，昨日Twins就到銅鑼灣的錄
音室和成龍錄音，阿Sa就大爆成龍的趣事，她說：「有次同大哥唱卡拉OK，他唱首韓文歌
唱到喊，原來大哥話曾睇過一個演唱會，好感動喎。」另外，阿嬌對於其緋聞男友余文樂
指她是穩陣天后，阿嬌好大反應的話：「難道他說我個躉大。」
--
※ 發信站: 批踢踢實業坊(ptt.csie.ntu.edu.tw)
◆ From: 140.127.179.249