[SUN]
孖公仔一度心存芥蒂
阿嬌擺脫挑撥離間真心對阿Sa
二○○一年，鍾欣桐（阿嬌）與蔡卓妍（阿Sa）在英皇唱片公司安排下組成Twins，並正式
加入樂壇，兩位互不相干的少女，剎那間變成「雙生兒」，人前人後表現要好，阿嬌坦言
初期因身邊人挑撥離間，曾令她對阿Sa心存戒心，要經過兩年多時間了解，才能完全交心
！
口述：鍾欣桐
筆錄：麥佩儀
其實當年我同阿Sa組成Twins時，之前大家都識了一年，我記得第一次見到阿Sa，就係在超
新星的慶功宴，當時見佢彈住彈住、好佻脫咁走入，因為當時大家都係Part Time模特兒，
所以佢對我都有印象，可能佢見到我當時一個人坐度，跟住佢主動行埋同我傾偈，我仲記
得佢第一句同我講：「喂！你咁熟口面，在邊度見過你？咦！你咩緊呢個袋，我都有喎！
」大家傾傾吓又幾好傾，第二日就已經約出去行街，大約過一年後，公司就話叫我哋組成
Twins喇！
講真，成立初期，我同阿Sa身邊都有唔少人想挑撥我哋兩個，啲人喺我度就講阿Sa咩對我
唔好的壞話，話阿Sa度又講我的壞話，當時唔止覺得煩，加上 陣大家真係唔係咁清楚大家
，有時聽完個心真係會唔舒服同有懷疑。所以初時真係唔敢同阿Sa講心事同真心話，所有
咩都有所保留……
同一陣線冇鬧交反面
不過，經過一件事後，終於令我覺得同阿Sa係同一陣線，就係我哋出道年幾ꀠ陣，唱片公
司派位新保母跟我哋，那位保母好擺款，雖然我哋都只係出道年幾，都唔算太新，但那位
保母竟然呼喝我哋，佢話佢帶過唔少阿姐，所以我諗佢只當我哋係「靚」妹，想畀個下馬
威我哋，我哋咪忍唔住夾計整蠱佢，令佢好唔開心，後來仲俾公司炒了！
講真，我真係差唔多花了兩年時間，先可以完全將心入面同阿Sa講，唔怕阿Sa會嬲，講真
，兩個人相處唔開心梗會有，此刻大家個心可能都會唔舒服，有唔開心會放個心度，但到
適當的時候，大家覺得有需要就會講出，搵個妥協的方法，雖然我同佢都係好「萌塞」的
人，唔容易接受人哋一套，但真係未試過鬧交反面，咁大個人，你估仲係細路仔咩？仲玩
鬧交唔睬大家咩？
http://the-sun.com.hk/channels/ent/20040308/img/e01030803_big.jpg
http://the-sun.com.hk/channels/ent/20040308/img/e01030814_big.jpg
http://the-sun.com.hk/channels/ent/20040308/img/e01030815_big.jpg
--
※ 發信站: 批踢踢實業坊(ptt.cc)
◆ From: 218.170.109.95