封面標題：王傑 真相大白
內頁標題：他是王傑
#他是．．．．．．王傑#
12年前，他勇奪了香港樂壇的新人獎。那時的他，只得25歲，但樣子滄桑得像40歲。如泣如訴的歌詞與竭斯底里的唱功，感動了很多很多的歌迷。永遠都是穿著一式一樣的牛仔衫褲，他被稱為浪子。一時間，浪子的歌聲響遍港台，手上有出不完的唱片，開不完的演唱會，甚麼四大天王，還是在吃奶學行的BB。
可是，為了某些堅持與理想，他放棄了如日方中的事業，老遠跑到加拿大去剪草、放船。他說那時的日子，過得很逍遙。從來沒想過放棄香港，只要還未到回來的時候。
6年後，當我們已漸漸淡忘了他，他突然回來了。牛仔衫褲變了西裝，40歲的滄桑變回了30歲的成熟。
他說他不會再離開香港，而且還會用一輩子的時間去完成他的理想．．．
#走，唔係冇良心！#
我走0左之後，0的歌迷成日0係internet上面鬧我，話我冇良心，就咁就走0左，完全冇理過佢0地。佢0地重比喻自己係班孤兒仔，好可憐。我知道之後好感動，佢0地表面上係鬧緊我，但我知佢0地係錫我先咁講。我同佢0地講過，終有一日我一定會再返0黎,一定要等我。
我走0個時係我最紅0既時候，有開唔完0既演唱會，電影等緊我，但我都決定要走,因為我唔再為名利，而係為理想。0係0個一剎那，有好多事都被扭曲0左，我覺得好悲哀。我淨係識著牛仔衫褲企0係度唱歌，你叫我跳舞？咪即係叫我死！我瘦到連飯都冇時間食，你叫我著西裝？咪盞自己搵0黎瘀！你可以話我當時
唔成熟，火氣旺，但有0的0野真係唔可以勉強。我好失望，覺得係時候要離開。
“幾分傷心幾痴”係我最鍾意0既歌，始終係我0既成名曲，觀眾亦係由呢隻歌開始認識王傑。其實當時有好多歌我都好鍾意。好似“上帝也哭泣”都係反映我當時0既心情。睇番以前0既自己，真係好滄桑，好悲觀，樣樣0野都睇唔開，諗0野都好偏激。而家睇開0左咯，個天真係跌落0黎咪最多俾佢壓死，冇咩好怕ꄊI
#放船的日子#
我好鍾意靜，0係加拿大咁耐，我一0的都唔覺得悶。得閒我會架船出海，隻船0係海上飄下飄0個種感覺，真係好開心。你唔好以為架船好易呀，其實重難過架車，不過我都架得幾叻0架。我隻船長30呎，可以行得好快，都算係船中0既林寶堅尼，再大0的就要考牌喇！架0左船咁耐，我重學識睇浪，知道邊0的浪會有
危險。不過最大鑊就係有潛水艇，隻船細0的實翻梗。
出海時我會帶埋0的魚，一路餵海豚，0的海豚會0係你身邊游來游去，0個種感覺真係好正。鯨魚我都見過，重係殺人鯨呀！0個次我釣緊魚，突然之間0係我後面「蓬」一聲好大聲，嚇得我丫，重以為咩0野事，原來係條殺人鯨0係我後面噴水。不過原來佢噴水呢下係咁臭0架，哈！哈！哈！
除0左架船之外我重鍾意做好多屋企0野，剪草、修樹、起屋我都自己0黎，0的鬼佬地方就係咁，永遠都係自己郁手，好少叫人0黎幫你做。除0左一樣啦，廁所，如果廁所有事，我一定會叫人0黎整，因為我怕臭嘛，哈！哈！
0係加拿大呢5、6年，我冇買香港報紙，冇追香港電視，香港0既樂壇係點我唔清楚，但我不斷有創作，從來冇停過，因為我知有一日我始終會返0黎。
#回來了，感覺很好#
睇外面0既世界睇夠喇，係時候要將自己0既音樂帶返0黎。今次返0黎，發覺香港0既步伐快0左好多，多0左樣0野叫狗仔隊，幾得意丫！我唔驚喎，我又冇拍拖，又冇偷情，唔怕俾人跟。
呢幾年香港樂壇多0左好多識唱歌0既新人，幾有挑戰性。唱歌不嬲係咁，唔係話邊個同邊個比較，但知道人0地犀利，自己會努力。
人應該隨住環境變，以前太過偏激，唱0既歌都係苦0既。而家人成熟0左，唱0既歌會溫柔0的，抒情0的。以前從來唔會理會人0地0既感受，遇著唔鍾意做0既訪問，我會粒聲唔出走0左去。但而家我會積極去感受人0地0既感受，應該0既我會答。
我唔會奢望大家改變對我以前0個種自我0既睇法，但唔成熟0既王傑真係唔想keep喇，而家0既王傑大家應該更加鍾意先0岩。
我好開心咁耐冇唱歌都重有好多歌迷支持我，有0的0既年紀甚至好細，可能只係0係電視度見過我幾次，但出到街撞見我都會記得我。我真係冇諗過自己會有0的年紀細0既歌迷，我其實幾鍾意同0的小妹妹小弟弟傾偈，因為佢0地有一套自己0既愛情睇法，有時表面上愈膚淺0既0野可能係好深，只不過0的大人唔了解
0者。
一支公返到0黎香港，最怕買--「食送」煮飯，唔通你叫我走去街市買斤豬肉買斤菜咩，咪搞。好在公司0的同事對我好好，食飯都會嗌埋我，等我有住家飯食。不過我最怕唔單止係買「食送」，而係買底褲呀！真係好尷尬呀，唯有請同事幫我買囉。叫人買底褲都未算最尷尬，最尷尬係形容俾佢聽你鍾意0既款式呀
，哈．．．
#從今以後#
返0黎之後0既第一隻唱片我唔會參與太多，始終我離開0左咁多年，香港人而家鍾意咩0野音樂，我想觀察下先，遲下我先會用番自己0既創作。
希望今次無論點都好，只要我企0係台上，觀眾可以俾多0的掌聲、叫喊聲支持我，呢0的就等於我0地0既精神食糧，會令我更加搏命。創作上我希望自己可以再上高峰，寫一首全部人都鍾意0既歌。加拿大？唔返咯！
#王傑，笑了！#
王傑從來沒有後悔過離開香港。正如他說，如果當初沒有離開，可能今天已經消失了。休息是為了跑更長更遠的路。若是有實力，再遲10年回來也不怕。
以前常聽人說，王傑很cool，從來不笑，因為他認為他的一生從來沒有一件值得笑的事。今天有幸，見到他笑得很多，而且還說了很多你發夢也沒想到會從王傑口中說出來的話題。
若果你仍然懷念當初五官扭曲、竭斯底里的浪子王傑，恐怕你要失望了。但今天穿西裝會笑的王傑，的確比6年前更討好。
(~~~~~~ 完 ~~~~~~)
--
☆ Origin: 中央情報局 (cia.twbbs.org.tw) From: sj78-16.dialup.seed.net.tw