曲： 金培達 詞： 李峻一 編： 金培達
(Rap)屯門阿飛老豆一早俾人做低0左?
舉目無親屋企得番個盲眼阿婆
讀書唔多十o靚歲輟學做廚房
終極願望自己開間大排檔 娶個靚老婆
但系廚房佬身水又身汗
邊有做大佬咁過癮 咁風光
反正都系(手查)老牛 分別系切雞定劈友
終於有日 揀0左第二願望 轉0左行
(I'll Fly Away)我話過我唔會一世俾人睇死
(想翻身演一齣好戲)腳踏實地拉利幾時先(手查)得起
(I'll Fly Away)盡地一舖反正條爛命值錢唔過三毫四
(始終一天可找到轉機)
(Rap)小倩系大陸o黎到香港呢個拜金樂園
出身蘭州體操團而家變0左賣肉求存
凌空一字馬日練又夜練 今時今日總算有用武之處
佢揀0左旺角大床 o黎代替奧運彈床
狹窄o既樓梯無數次上上落落 上上落落 再上上落落
幾時至可以衣錦還鄉
(I'll Fly Away)有人話職業系無分貴賤
(想翻身演一齣好戲)但點解剩得我俾人指指點點
(I'll Fly Away)唔系D 男人要發洩邊有我做得咁cheap
(始終一天可找到轉機)
(Rap)有日阿飛搭上蘭州小倩
同病相憐從此打得火熱徹夜纏綿
小倩小倩愛上不良少年唔收佢錢不特止兼送埋個BB
阿飛誓神劈願 照顧兩母子
決定搵多意一次快錢從此洗心革面
但系佢估唔到BB未見就俾人 搞掂
未婚媽媽終於生0左BB
舉目無親確又真系生不逢時
心大心細應該捱生捱死揍大阿B
定系一走了之製造多一個孤兒
望見蘇哈佢鼻涕連連 同個死鬼老豆實在有幾分相似
血肉相連終於抱走BB
理得橫風橫雨山崩地裂戰火連天
但如果有阿媽抱住 蘇哈都會笑
蘇哈開始學行路一步兩步三步 爬起身又跌倒
人生仲有好o既路
你條命生得唔好 老豆正一短命種
但你有日終會成功因為你有個失敗之母
金銀滿屋當然繫好
咪攪攪震我都好滿足
只要咪行我呢條路
臭甕唔系一定出臭草
你唔系臭草 千祈唔好
臭甕唔系一定出臭草
你唔系臭草 千祈唔好 千祈唔好 千祈唔好
(I'll Fly Away)有人話命運系無得選擇
(想翻身演一齣好戲)定抑或條路由自己去揀
(I'll Fly Away)又或者做牛做馬做兵做賊都系咁鬼艱難
(始終一天可找到轉機 I'll Fly Away)
--
※ 發信站: 批踢踢實業坊(ptt.csie.ntu.edu.tw)
◆ From: 61.216.58.99