掠龍的流浪記
詞/曲：郭大誠
口白：
(女)喂..掠龍的啊！
(男)喂..！佗在叫啊？
(女)這啦！無你是青暝唷？
(男)就是目睭青暝不才就靠掠龍來賺錢！
(女)來啦來啦！免囉嗦啦跟我行啦，我要給你掠一下啦！
(男)好！好！行..行..行..行喔..！
自細漢就青暝 流浪四界去
街頭巷尾歕答滴 掠龍咧趁錢
若有人身軀未輕鬆 包恁掠了爽快真活動
大家來擱來擱來 緊來緊來
口白：啊，真歹運，暗頭仔就去遇到一個赤查某，講尹尪姓江伊姓許，
伊厝是踱在葫蘆島，一天若沒掠龍就叫艱苦，一直把我揪，叫我
就跟伊去別館，咱打算有五、六百塊仔可賺，毋才跟伊走得疲趴
喘。
一下跟伊爬到六層樓尾頂，伊煞講要掠半尾較省，害我氣得腳手
肉都交冷，我手頭价放一下輕，喝講傷輕；手頭价放一下重，給
伊嫌傷重；手頭价放一下闊，伊煞咧笑未煞；腳手肉咧皮皮挫，
阮看安呢就价掠項頸，伊煞對阮笑文文，講一句糜在滾 (very
good)，就安呢作伊瞇眯仔睏。一下子掠好叫伊精神，要跟伊拿
銅錢，煞起歹面，講阮仔在吵伊的眠。我看破拐仔夯了作我走，
伊煞追到十字路口，害我笑甲強欲哮。遇到這款赤查某實在無法
度！又擱沒趁半塊。行行行，緊來望夢看有好人客否？
大馬路 幼街巷一直行歸晚
好壞人客沒關係 濟少加減趁
什麼人身軀昧輕鬆 包您掠了爽快笑瞇瞇
大家來擱來擱來 緊來緊來
結尾口白：
(女)剛是走佗去？嘿！在遐在遐！掠龍的啊！
(男)喂！佗在叫哇？
(女)葫蘆島的啦！
(男)啊！葫蘆島的啊，葫蘆島的阮仔NO！NO！NO！
--
※ 發信站: 批踢踢實業坊(ptt.csie.ntu.edu.tw)
◆ From: 140.119.77.12