喝玲瓏賣什細
詞：謝麗燕 曲：郭大誠
玲玲瓏瓏 玲玲瓏瓏
喝玲瓏 賣什細
街頭巷尾四界踅
今日從這過 看您愛啥貨
攏毋免講價 絕對無問題
無論是胭脂水粉膨粉价膨紗
阮就是喝玲瓏 賣什細
口白：
來唷！來看我喝玲瓏的賣什細，不是欲賣你搖鼓价賣鼎擦，請各位就要
看乎詳細，是欲來賣恁化妝的百貨。今天欲來俗俗仔賣，彼個豬肉欲當作
酸菜價，若恁欠用才緊來提。看！偎來看！俗對半，不是我咧愛彈，我的
水粉提去抹，粧粧咧甘若阿旦，一盒才賣您二塊半。我昧歕雞奎啦，一個
老阿婆今年八十幾歲，抹著我的水粉擱會老水啊老水。來唷！即嗎我來喝
一支胭脂，胭脂若欲抹，你就要揀彼囉好氣味的，若欲抹你著要抹嘴邊，
愛人仔嗅著才會心綿綿。各位小姐不通假敖，胭脂若抹在鼻頭，剛好親像
木柵仙公廟彼隻紅鼻猴。一支偌濟？二塊四。慢且是，恁即嗎跟我買一支
，我另外送恁一支返去分厝邊，有人欲愛就即嗎緊講起，若給我收起來才
欲得，就要重講錢，有人欲否？什麼！大家煞靜靜，各位大概是不合用。
人客啊！恁不通俗米嫌臭醅。俗蕃薯給我嫌曲龜，賣恁俗恁給我嫌楣，真
珠給我當作老鼠屎。呾！無我即嗎擱來喝一領四十八人份的蚊罩，也頂好
圍籬笆，也挺好做灶腳，也挺好做漁網仔提去外海拋，一領才賣恁一十八
。擱來噢！即嗎欲來喝一條齒膏，各位咱遮男士朋友恁毋通看做是藥膏，
提返去厝內黑白抹黑白搔，搔一下久變汰痼，彼陣就乎您太太講恁去歪哥
，啊你就會真囉嗦。來來來，來喝一塊雪文，香貢貢擱，貢頁香，洗一擺
香七天，初一提來洗身軀，十五猶咧輕鬆。放咧三年過五冬，免驚會蛀空
，也免驚會生蟲。來唷！半賣半相送，一項一項來加拼，甘若關公咧走麥
城，現喝現輸贏，恁若欲愛才喝聲，緊來唷！
--
※ 發信站: 批踢踢實業坊(ptt.csie.ntu.edu.tw)
◆ From: 140.119.77.12