阮若打開心內門窗
詞:王昶雄 曲:呂泉生
阮若打開心內的門 就會看見五彩的春光
雖然春天無久長 總會暫時消阮滿腹辛酸
春光春光今何在 望你永遠在阮心內
阮若打開心內的門 就會看見五彩的春光
--------------------------------------
阮若打開心內的窗 就會看見心愛彼個人
雖然人去樓也空 總會暫時乎阮心頭輕鬆
所愛的人今何在 望你永遠在阮心內
阮若打開心內的窗 就會看見心愛彼個人
--------------------------------------
阮若打開心內的門 就會看見故鄉的田園
雖然路途千里遠 總會暫時乎阮思念想欲返
故鄉故鄉今何在 望你永遠在阮心內
阮若打開心內的門 就會看見故鄉的田園
--------------------------------------
阮若打開心內的窗 就會看見青春的美夢
雖然花無百日紅 總會暫時消阮滿腹怨嘆
青春美夢今何在 望你永遠在阮心內
阮若打開心內的窗 就會看見青春的美夢
--
三界無安 猶如火宅
心若自定 火宅何干
--
※ 發信站: 批踢踢實業坊(ptt.twbbs.org)
◆ From: tp110251.seeder.net