問田蠳 詞曲：紀淑玲
（口白）
即條溪仔水 就佇ｅ路邊 即條路 彎來彎去
每一工導護老師送囝仔轉去 一邊行 一邊開
講 一邊行 一邊聽水聲
有通時仔 閤會凍看著田蠳咧點水
卡燒熱ｅ時陣 山頂ｅ狗仔 就跳入去泅水
放假ｅ時陣 囝仔走來那條溪摸蚋仔
溪仔水 是每一個人ｅ朋友
1990年12月 即條溪 蓋起來做路....
一個人ｅ心 會凍收留外濟悲傷
溪仔水ｅ消失 是我永遠ｅ哀愁
-----------------------------------------
彼一年ｅ熱天 風飛來鵝尾山邊
溪仔水甲伊走相避 彎彎斡斡真歡喜
彼一年ｅ秋天 風飛來鵝尾山邊
溪仔水甲伊臆猜謎 一句一句笑微微
彼一年ｅ冬天 風飛來鵝尾山邊
溪仔水無知叼位去 黑色ｅ點仔膠惦惦無敢講起
田蠳田蠳溪水叼位去 田蠳田蠳溪水叼位去
田蠳田蠳溪水叼位去 溪水叼位去
田蠳田蠳溪水叼位去 溪水叼位去
彼一年ｅ春天 風飛來鵝尾山邊
溪仔水永遠消失 傷心ｅ風遠遠離去
--
※ 發信站: 批踢踢實業坊(ptt.twbbs.org)
◆ From: sleep.g2.ntu.ed